Home Lotto Awe Mini Mega y Mini Mega Plus tin premio miyonario

Awe Mini Mega y Mini Mega Plus tin premio miyonario

137
0
SHARE
- Advertisement -

ORANJESTAD(AAN):  Nos ta den porta un biaha mas di un otro loteria cu tin un premio miyonario pa Aruba y esey ta e minimega – minimega plus, cu tin un premio miyonario. Vocero di Lotto pa Deporte, Damaris Ridderstap, a splica cu tin un proceso pa cana y e ta simpel.

Cumpra bo ticket y wak pa bo ta den wega y asina bira miyonario di 1.5 miyon florin diabierna, dia 29 di September. Cumpra bo ticket pa 7 florin, e ora ta Minimega y su mega plus y bo por gana full e suma miyonario. Si bo kier inverti solamente 5 florin, e ora bo ta cumpra e Minimega so, pero e ora bo ta gana solamente e 900 mil florin. Pone 2 florin so acerca y bo por bira e miyonario di Aruba pa diabierna anochi.

Ora cu e premio ta grandi, bo ta sinti e diferencia. Bo ta sinti e jump despues di 500 mil y e ta bira mas grandi ora e aumenta. Tur concentracion ta bek riba e Minimega y megaplus. Na oficina den Paardenbaaistraat y B v/d Veen Zeppenfeldstraat, por swipe, caminda cu bo por cumpra bo numbernan di suerte.

E wega di Minimega ta hopi simpel. Bo ta kies bo numbernan entre 01 y 30. Bo no mag di ripiti e numbernan y ta 4 number. E megaplus ta di 1 pa 15. Bo por bin cu bo mesun numbernan of bo por cumpra un ticket Lotto. E ora e mashin di Lotto mes lo genera e numbernan pabo. Mas ticket bo tin den wega, mas grandi bo chens ta. Pero sigur ta cu bo mester tin bo liña tira na awa.

Ridderstap ta recomenda pa pidi bo comprobante y riba dje bo tin cu controla si bo ta un ganado si of no. Tin cierto nomber skirbi riba bo ticket. E nomber ey mester cuadra cu e comprobante cu bo ta haya y eynan bo ta wak si bo ta un ganado of no.

- Advertisement -

DUNA COMENTARIO

Please enter your comment!
Please enter your name here