Home Comentario Awor hasta Dimas ta purba di manipula e elecion y hunga cu...

Awor hasta Dimas ta purba di manipula e elecion y hunga cu trankilidad di bida di hende

37
0
SHARE
- Advertisement -

ORANJESTAD (AAN): Segun e observador politico abogado Mr. E. Duijneveld, e dianan aki diripiente ta haya diferente hende na mi consultorio huridico cu nan permiso a wordo nenga door di Dimas. Mayoria tin e fecha di 25 di augustus. Ora mi a haya mas cu 30 persona, mi ta lesa e motibonan y mi ta ripara cu casi tur ta hende cu tin 7, 8, 9 aña caba na Aruba mi no por otro cu conclui cu algo ta pasando na Dimas.

Prome cu mi sigui tocante e manipulacion y política sushi cu lamentablemente ta parce ta reina den Dimas laga mi duna un par di e ehempel cu ta papia pa nan mes. Tin un cliente cu a bin como minderjarige Aruba pa gezinshereniging cerca su mama. E mama pa colmo tin paspoort holandés.

Ora el a bira meerderjarig el a bai traha pa un compañía den un cierto funcion. Despues di duna 6 permiso pa e funcion ey, diripiente Dimas ta dicidi di nenga e permiso pasobra e compañía lo ta fungi como uitzendbureau y no lo por garantiza trabou fijo. Esaki después di 6 permiso asina.

Cos ta bira mas straño ora mi haya sa cu departamento di Labor y DPL ta bisa cu e compania aki NO ta un uitzendbureau. Mi ta puntra mi mes ki sorto di decision esaki ta y kico lo ta su tras.

Mas ora mayoria di e permiso nenga ta situacion similar na unda hende ta traha añas pa un compañía den un cierto funcion y ta gewoon pidi verlenging, pero awor un luna prome cu eleccion Dimas ta dicidi di nenga e permisonan aki cu motibonan fofo. Na mes un momento mi ta ripara un partido político ta cuminsa campaña fuertemente den e latinonan. Rara.

Por argumenta cu esaki ta hende cu permiso y cu nan no por vota, pero hende cu tin 7,8, 9 aña akinan sigur conoce compatriotanan cu paspoort holandes cu si por vota. Manera e cliente den mi ehempel.

Su mama si por vota. Na scol nos a siña cu 1 + 1 = 2. E ta hopi di lamenta cu aparentemente un departamento gubernamental, na unda esun na cabez ta wordo bon paga door di pueblo pa hasi nan trabou, awor den dia cla ta coopera di purba manipula e eleccion vendidero door di hunga cu e trankilidad di hende digno cu tin añas akinan contribuyendo na nos comunidad.

Sigur sigur mester investiga e asunto aki y tuma medida necesario, con a laga manipulacion político na bienestar di un partido (desespera ?) drenta den un departamento manera Dimas. Un partido cu tur hende sa den pasado no tabatin ningun compasion pa e comunidad latino, Mr. Duijneveld ta menciona na final.

 

  1. E. Duijneveld

observador politico

 

- Advertisement -

DUNA COMENTARIO

Please enter your comment!
Please enter your name here