Home Deporte AZB ta organizando e tradicional Short Course Sprint Night 2017 den Piscina...

AZB ta organizando e tradicional Short Course Sprint Night 2017 den Piscina Olimpico Roly Bisslik na Savaneta

15
0
SHARE
- Advertisement -

ORANJESTAD (AAN): Diasabra awo 16 di September, e federacion di landamento, AZB lo organiza e tradicional Short Course Sprint Night 2017 den Piscina Olimpico Roly Bisslik na Savaneta. E competencia ta carga e nomber di Sprint Night unda lo wordo landa riba distancia cortico(“short course”) esta 25meter. Atletanan di landamento lo bataya contra otro pero riba e distancia nan cortico di 25 y 50 meter, mientras lo landa den age group y masters. E competencia aki ta crea specialmente pa duna tur nos landado nan e oportunidad pa logra un bon tempo riba e distancia nan cortico di 25 y 50 meter. E competencia ta programa pa cuminsa 6or di atardi. Clubnan participante lo ta The Orca’s, Stingray Swimming, Aruba Dolphins y Sports 4 U. Lo competi den e siguiente categorianan: 6 aña, 7-8 aña , 9-10 aña, 11-12 aña, 13-14 aña, 15-17 aña y 18-24 aña y 25 aña y mas. Den e categoria di masters e resultadonan ta wordo calcula den “brackets” di 5 aña.

Landamento na Aruba no mester di introduccion y ta conoci cu e ta un di e deportenan mas exitoso den e ultimo decada riba nos isla mirando e resultadonan obteni internacionalmente. Den nos region, nos landado nan a bira conoci mientras nos ta wordo considera como un di e mihornan esaki danki na e exitonan di e ultimo añanan den e diferente competencianan manera Carifta, Consenat, CISC y CCCAN. No por keda sin menciona nos atletanan cu ta atende e diferente scolnan na Merca unda ta combina nan estudio y deporte. Tur ta representa Aruba mirando cu esey ta wordo menciona na e competencianan.

Un danki sigur na Lotto, e Loteria di Aruba pa medio di Comision di Subsidio cu a subsidia e competencia di Short Course Sprint Night organiza pa AZB.

Cumprando weganan di Lotto, e Loteria di Aruba Bo ta contribui na deporte riba nos isla. Meta di e fundacion ta pa organiza loteria, cambia bida di su hungadornan y na mes momento inverti den deporte local pa medio di donacionnan na e Comision di Subsidio.

- Advertisement -

DUNA COMENTARIO

Please enter your comment!
Please enter your name here