Home Social Baha costo di bida no ta un prioridad pa ningun partido politico

Baha costo di bida no ta un prioridad pa ningun partido politico

11
0
SHARE
- Advertisement -

Segun consumidor:

ORANJESTAD (AAN) – Un di e temanan cu hopi ciudadano ta haya cu no ta wordo aborda concretamente pa e lidernan politico di ningun partido cu ta bay eleccion, ta e costo di bida.

Ningun di nan tin den plan un formula real pa baha baha e costo di bida. Mientras tanto e situacion di prijs riba prijs y cu cada dia e productonan ta bira mas caro, ta sigui y sigui.

Tin hende cu tin hopi razon ora di bisa cu Aruba no tin clase medio mas. Tin un grupo cu ta mas pober cu otro, manera ta e caso na tur parti di mundo. Pero na Aruba, ya un salario medio no ta yega pa sostene un famia, y ta precisamente e salario medio esun cu nunca ta haya un debchi preto di aumento.

Ora di aumenta salario ta papia mas tanto di salario minimo, y e ta comprendible. Pero un aumento di 25 florin tog no ta yuda. No obstante, salarionan un tiki mas cu minimum loon, no a subi pa mas cu 30 aña caba den sector priva, cu excepcion di empresanan unda ta existi un CAO cu ta contempla cierto ahustacion di salario.

Y ta asina cu e consumidornan ta ripara cu cada bez cu ta publica un aumento di salario minimo supermercadonan ta core aumenta prijs atrobe!

Pues, e mihor manera di frena e aumento di costo di bida ta baha impuesto riba alimentacion pero pone un limite na aumento di prijs tambe. Ta cual gobierno lo tribi di bin cu un iniciativa asina aki? Consumidornan no ta kere cu esaki ta factible, vooral den campaña cu por tin link entre sponsors comercial y politiconan. Yammer!

- Advertisement -

DUNA COMENTARIO

Please enter your comment!
Please enter your name here