Home Comentario Ban laga apasionamento un banda y bay urna electoral cu spirito civico...

Ban laga apasionamento un banda y bay urna electoral cu spirito civico Diabierna awor!

24
0
SHARE
- Advertisement -

Den siman di recta final di campaña:

ORANJESTAD (AAN) – Algo masha bunita ta cu den nos comunidad tin tanto hende cu actitud positivo, cu semper tin mensahenan neutral y bunita pa comparti, entre otro, pa medio di Matutino DIARIO.

Un ciudadano a tuma contacto cu nos redaccion Diadomingo, pa expresa palabranan yena cu positivismo y sentimentonan civico pa nos tur.

Su mensahe ta, mirando cu nos ta den e recta final pa eleccion, pa nos tur como comunidad laga apasionamento un banda y Diabierna acudi na urna electoral pa apoya nos democracia; bay bao un solo bandera, laga nos consenshi otorga e voto di nos confianza na ken cada un di nos ta sinti cu e merece.

No bay busca problema cu ningun hende, nos ta un solo pueblo y mester ta uni. Si bisti un flanel di color politico, cual ta e derecho di un y tur, no haci mofa di esnan cu nan flanel ta di otro color. Cada ken tin derecho di vota pa ken cu nan ta desea, voto ta algo sagrado y personal.

Ban cu un actitud civico, pone nos pais den Dios su mannan, pa semper cuida nos y scapa nos di tur loke por trece nos den tristeza manera te awor ta sosode por ehemplo, cu e tragedianan causa pa naturaleza.

Ban gradici Dios den forma di union, como un gran famia, como ruman, y ban disfruta di e fiesta di eleccion den comunion, contento di nos democracia y cu un curazon gradici pa e pais cu nos tin pa disfruta di dje.

Asina aki e mensahe di un di nos ciudadanonan cu kier motiva henter pueblo votador pa eleva nos democracia bao nos bandera nacional, nos escudo y nos sentimentonan patriotico comun, poniendo partidismo un banda pa asumi nos spirito civico manera Aruba merece.

- Advertisement -

DUNA COMENTARIO

Please enter your comment!
Please enter your name here