Home Deporte Barracudas Synchro Aruba a regresa cu Oro, Silver y Bronze

Barracudas Synchro Aruba a regresa cu Oro, Silver y Bronze

70
0
SHARE
- Advertisement -

ORANJESTAD (AAN): Fin di Augustus e atletanan di Barracudas Synchro Aruba a competi na UANA y a regresa cu 1 medaya di Oro, 1 medaya di Plata y dos medaya di Brons.

“Nos ta sumamente orguyoso di e logronan di nos atletanan den tur categoria teniendo na cuenta cu e nivel di e competencia aki ta uno sumamente halto. Competiendo contra paisnan grandi manera Mexico, Puerto Rico, Chile, Peru, USA, Costa Rica, Canada, El Salvador, Uruguay, Colombia y Argentina. Nos a midi forsa y a demostra di ta sigur den e top 5 di e region Pan Americano.” Sra. Memita Gomez, presidente di e club ta elabora.

Den e categoria di Senior Solo Tech, e atleta Shelby Kasseta conkista Brons (6 pais), y Senior Solo Free: Kyra Hoevertsz ta conkista Brons (10 pais).Pa loke ta trata e Senior Duet Tech ta conkista e medaya di Oro (4 pais) y den Duet Free ta bay cu e Plata (6 pais).

E atleta di categoria 12 au Avigayle Tromp den Solo finals ta postula5o lugar di 9 solos, y e Duet di Avigayle Tromp y Mikayla Morales tambe ta logra 5o lugar di 9 duets.

Den e categoria di 13-15 nos atletanan Kainah Croes den finals ta postula 8 den 12 pais y Meghan Trompden Solo preliminary ta postula 19 di 22 pais. Pa loke ta trata e Duet di 13-15 e duo Kainah Croes y Meghan Tromp ta postula 8 di 12 pais.

Ta hasi un invitashon na muchanan cu kier cuminsa e temporada di Synchro 2017/2018 pa tuma contacto cu Coach Yamina 7458347 of via Facebook / Website.

Ken nos ta?

Barracudas Aruba desde 1974 a introduci e comunidad di Aruba na e bunita deporte di natacion sincroniza cu e meta principal pa brinda atletanan oportunidadnan pa desaroya y prepara nan mes den e deporte pa competencianan international. Den 2017 a introduci e opcion pa hasi natacion sincroniza pa recreacion, dunando shownan local un biaha pa aña. Tambe a habri e deporte pa mucha homber por participa mirando e desaroyo den e deporte internacionalmente. Pa mas informacion por bishita nos riba Facebook @barracudas.aruba, Instagram Synchro Aruba of Website: www.barracudasaruba.com

- Advertisement -

DUNA COMENTARIO

Please enter your comment!
Please enter your name here