Home Politica BBO, BAZV of ABB?

BBO, BAZV of ABB?

27
0
SHARE
- Advertisement -

Kar-Lie Ng nr, 2 di PPA ta puntra: Impuesto directo of indirecto?

ORANJESTAD(AAN)–  Segun un comunicado di lider di Ppa Sra. Kar-lie NG, un impuesto indirecto no mester ta un peso pa e comerciante, ni tampoco wordo cobra na cada paso di e keten sin cu por pidi restitutie pa esaki. Un impuesto indirecto ta wordo paga door di e consumidor final na e comerciante y e comerciante ta paga esaki na Servicio di Impuesto. Un impuesto indirecto no ta algo cu ta causa un gasto pa e comerciante. E ta un impuesto riba consumo final. Un forma di ABB den cu ta cumpli cu e principionan di “EU-VAT” , cual requisitonan mi lo elabora riba dje siguientemente, lo por ta un alternativa pa e BBO y BAZV, pero conhuntamente cu control di preis.

Un impuesto indirecto, manera ABB ta/lo mester por cumpli cu entre otro e siguiente criterianan pa e sirbi su proposito:

–              No mag di wordo cobra na tur schakel, y si esaki wordo hací, e tussenschakels mester por pidi y                 haya restitucion di e impuesto paga pa asina esaki no tin un efecto exponencial riba prijs di un              producto of servicio pa e consumidor final.

–              Beneficio di tin un impuesto indirecto di e forma aki ta trece mihor control pa cual motibo lo tin                 menos chens di fraude. Pa motibo cu tin diferente momento di impone e impuesto.

–              Por scoge pa no cobra impuesto indirecto riba productonan p.e. medico.

–              Si den e país exportador tambe tin impuesto indirecto, di e mesun forma, lo mester yega na un                combenio pa e no wordo agrega riba e prijs di exportacion. Lo por haci mescos si ta exporta              producto of servicio for di Aruba.

–              E impuesto no mag di costa e comerciante mas na gasto administrativo, e mester ta facil pa         compronde y implementa. Di otro banda, pa Servicio di Impuesto, e mester ta facil pa controla              door di nan.

Impuesto indirecto lo nifica entrada adicional pa caha di gobierno pero tambe lo por nifica un bahada di poder di compra di e ciudadano si esaki no wordo implementa corectamente y conhuntamente cu otro incentivonan y/of cambionan, manera ahustacion y rebaho di e tarifanan di inkomsten- y loonbelasting pa e ciudadano por tin mas placa den su cartera pa gasta y asina contribui na e impuesto indirecto aki. Otro aspectonan cu mester ta den funcion ta e mededingingsauthoriteit cu mi a menciona anteriormente pa tin entre otro control riba prijs.

Abo, como consumidor, kico bo ta pensa awor di BBO y BAZV?  Mirando tur e requisitonan ariba menciona, BBO ni BAZV no ta cumpli cu nan, pa es motibo, nos prijsnan ta desproporcional, cual ta hasi nos costo di bida caro. Bo ta compronde awor dicon nos costo di bida diario ta asina caro?

Pueblo, habri boso wowo, NO vota pa partido, vota consciente, vota pa un hende cu ta mustrabo confianza! Sra. Lie Ng   a termina bisando :cu boso sosten Aruba lo tin un mihor futuro caminda nos tur por biba mihor”.

- Advertisement -

DUNA COMENTARIO

Please enter your comment!
Please enter your name here