Home Enseñanza Cabesante di Ayo Kleuterschool y Maria Goretti College contento cu renobacion haci...

Cabesante di Ayo Kleuterschool y Maria Goretti College contento cu renobacion haci na scol

60
0
SHARE
- Advertisement -

ORANJESTAD (AAN): Ayo Kleuterschool y dependance di Maria Goretti College a ricibi bishita di Minister di Enseñansa, Michelle Hooyboer-Winklaar pe entregamento di e proyecto cu a keda realisa na e school. E bishita tabata uno agradabel specialmente unda a conta cu e presencia di Minister Hooyboer-Winklaar y e muchanan tambe a disfruta di esaki. E muchanan di kleuter y Maria Goreetti College a duna Minister un bon bini caluroso.

Cabesante di Ayo Kleuterschool y dependance di Maria Goretti College, Mirla de Cuba-Tromp a conta cu e structura di e school ta cu nan ta cay bou di SKOA, di cual tin e kleuterschool. E school aki ta un mescla di grupo, di cual tin e muchanan di grupo chikito y grupo grandi. Tambe tin 2 klas di 5de di Maria Goretti College. Pa loke ta e school di Maria Goretti College, na Paradera tin e klasnan di 1ste te cu 4de y e muchanan ta bay Ayo pa 5de y despues ta bin back Paradera pa ta den 6de klas.

E proyecto di renoba e school a cuminsa un poco mas cu aña pasa, unda Minister a haci un bishita na e school y aki el a ripara cu e cura practicamente no tabata existi mas. Minister Hooyboer-Winklaar a mira e necesidad pa drecha esaki, pasobra mester a brinda e muchanan chikito e siguridad. Pa sorpresa di e school Minister a bisa cu lo cuminsa cu e proyecto pa drecha e cura.

Na final di aña pasa e school tabatin un cura nobo y bunita. E cura ta completamente di beton cu hero y despues cu esaki a keda cla, e edificio mes a keda atras cu bentananan kibra. Tambe e edificio tabatin mester un verf y e mandatario a tuma over e proyecto aki, cual a cuminsa na Augustus 2017. E trabao a bay den un tempo hopi cortico y e proyecto ta cla, unda cu nan a cambia e bentananan pasobra prome e school tabatin e bentananan di palo.

Na luga di bentana di palo awo e school tin bentana di aluminio y e edificio ta completamente geverf. “Nos ta hopi orguyoso di esey”, asina e cabesante a duna di conoce.

E cabesante a gradici Thiel y Britten di BIC, kendenan tabata encarga cu e construccion di e cura. Tambe a gradici contratistanan Angelo Arends y Mario Arends pa cambia bentananan, verf e school, cambia e verlichting, etc.. E school ta hopi gradicido pe resultado di e proyecto. Nan no por a lubida Danny di Directie Onderwijs a sostene e proyecto aki y Minister Hooyboer-Winklaar.

- Advertisement -

DUNA COMENTARIO

Please enter your comment!
Please enter your name here