Home Cultura Caribbean Latin Jazz Xpress lo presenta Diasabra 16 di September

Caribbean Latin Jazz Xpress lo presenta Diasabra 16 di September

39
0
SHARE
- Advertisement -

Durante Caribbean Sea Jazz Festival 2017

ORANJESTAD (AAN); E grupo musical CLJX ta un di e diferente gruponan musical cu lo presenta durante e Caribbean Sea Jazz Festival. CLJX (Caribbean Latin Jazz Xpress) a worde forma na July 2016 door di Rodney O. van der Biezen. Rodney ta un pianista Arubano cu ta toca Latin Jazz cu pasion. el a biba pa hopi aña cu e soño di crea su mesun grupo di Latin Jazz.

E grupo aki a presenta su composicionnan original y tambe cancionnan clasico di autornan Arubiano aregla den un estilo di Latin Jazz.

Rodney a cuminsa compone y drecha tur e cancionnan y despues di esey e grabacionnan a cuminsa na HR Studio di Mr. Hershel Rosario na Corsou. Eynan nan a graba tur e sesionnan di ritmo (cu conga, timbal, drum y tur e otro instrumentonan Africano manera bata’s y shekere).  E areglo di drums a worde toca door di un di Corsou su miho drummernan esta Mr. Marlon Conradus y tur e otro areglonan di percusion a worde toca door di Mr. Ernie Gregorius, un otro gran percusionista specialisa den ritmo Afro-Cubano.

Despues di e grabacionnan di ritmo, Rodney a bin back Aruba pa caba di graba e otro instrumentnan na IQ Music Lab di Mr. Ivan Quandus, un di e miho tocadonan di baho na Aruba. Despues di tur e grabacionnan, mezcla e cancionnan na Mike Recording Studio di Mr. Michael Odor.  E nomber Caribbean Latin Jazz Xpress ta forma door di dos concepto, e prome ta e mescla di musiconan di Aruba, Corsou, Cuba y Venezuela, y e otro concepto ta pa honra Aruba su unico programa  di Radio di Jazz, cu ta worde pasa na Magic 96.5 FM door di Mr. Tendo Boekhoudt y Mr. Giovanni Muller. E banda ta consisti di diferente musiconan di Caribe, for di Aruba, Pianista y Director Rodney van der Biezen, Baho  y Co-Director Ivan Quandus. For di Corsou, e drummer Marlon Conradus, riba timbal y percussion Ernie Gregorius, y riba conga Marcus Istatia. Y for di Venezuela trompetista Dennys Zavala y riba trombone Jose Daniel. Y for di Cuba e saxofonista tenor Lazaro Barrizonte.

Probecha e oportunidad aki pa presencia e spectacular concierto di CLJX cu lo presenta Diasabra 16 di September durante e Caribbean Sea Jazz Festival na Renaissance Festival Plaza. Pasa busca bo ticket na prijs di benta adelanta.

- Advertisement -

DUNA COMENTARIO

Please enter your comment!
Please enter your name here