Home Remitido Carta abierto na ‘the green people’ y Antoni Gario

Carta abierto na ‘the green people’ y Antoni Gario

65
0
SHARE
- Advertisement -

Remitido

Señor Redactor, permiti mi un espacio den DIARIO pa trece lo siguiente dilanti.

Awe mi kier a ferfela bo un rato asina pa pidi un espacio den bo matutino tan lesa anto pareu mi kier a pidi dispensa, pero ta cerca kende mas otro cu ta Señor Redactor lo mi por a acudi pa expresa mi mes, ya cu riba e rednan social cibernetico, nan ta “delete” of sea “shuffle” mi comentarionan anto teniendo na cuenta e hecho cu aki na Aruba ta reina e tendencia constante caminda ora algo negativo cu rabo di sensacionalismo wordo bisa den bo direccion of cerca bo sernan keri y bo no reacciona inmediato riba tal, cerca hopi e asunto ta pasa pa berdad tambe pa colmo.

Mas ainda, esaki ta e drive pa mi presenta dilanti Sr. Redactor! Mas ainda, Sr. Redactor semper a respalda y representa e fundeshi di democracia, semper a salvaguardia e libertad di expresion, semper a informa pueblo, semper a denuncia cualkier clase di abuso autoritario, semper a reconoce e derecho constitutional ancra den e Declaracion Universal di Derecho Humano paragr. 19 te cu 23 pa cu ora hende acudi na prensa pa expresa nan mes, etc., ta motibonan primordial con bin mi sa acudi cerca Sr. Redactor.

Ademas, Sr. Redactor semper a ricibi mi di buena fe durante transcurso di 21 aña (for di Sept. 1996) pues pakico no un biaha mas?  Nos tur sa cu ora ta trata di partido of tal politico, Sr. Redactor no ta “suppose” di ta den wowo di pueblo como fanatico, ni partidario tampoco, of no?

Dus awor bayendo riba e origen di mi remitido, mi kier a trece na atencion di un y tur lo siguiente. “Oh Boy, here we go again” and Antoni, what have you provoked again boy? Round 1, live!

Scucha, e momento a yega caminda cu Aruba conhunto cu e ordenanza constituyente por medio di su votamentoelectoral lo dicidi, aproba y consolida su confianza den un maneho bao un CAMBIO DI GOBIERNO of un maneho di gobierno continuo. For di tur skina riba nos Isla nos por mira miles di fanaticonan coriendo rond apoyando nan candidato y color politico.

Tin di esnan tin nan auto full dorna cu nan color politico favorito, tin di esnan cu tin nan casnan drecha y pinta cu nan color politico, tin di esnan cu ta sintoniza e emisoranan y bel pa expresa apoyo na nan color politico, tin di esnan cu ta subi red nan social pa comenta nan opinion politico, tin di esnan cu ta propaganda a lo estilo di tercer mundo cu dress code “GREEN mania” y mane “caveman” ta presenta na adres di cas di famia cu batayon di hende causando intimidacion mental di e modo aki y hasta kier propone pa cambia bandera y borchi di color politico na e adres di cas cu tin mas di 36 aña consecutivo ta apoya e color politico GEEL, figurabo.

HA, tin hasta di esnan cu ta asina POLITIEK-FANATIEK- VERZIEK mane Sr. Garin cu ta comenta riba e red social di Facebook remarkenan cu yen sensacionalismo y apoyando no na favor di color politico oraño, ni color cora mas sino mas bon e biaha aki color politico berde cu aparentemente y segun speculacion a reinstale bek den sociedad y a “onthef” su bancarota politicamente y dune empleo como supuesto “cdnr” lubidando cuanto biaha den pasado e mesun Mister aki a papia malo di e mesun color di partido aki pero awor kier pretende di ta asina fiel apoyante di mesun color di partido.

Asina mes, mester respeta e Mister aki su opinion y purba di no cherchele (mane e si sa haci na otro) pa cu su color politico pa cual e ta. Hopi ta esnan cu ta comenta cu un solo partido lo goberna, tin cu ta bisa cu un coalicion lo wordo forma, tin cu ta bisa cu e 2 partidonan tradicional grandi e biaha aki lo empata, tin cu ta bisa cu e partidonan nobo lo haci un impacto, tin cu ta prefera pa e color politico demisionario sinta di NOBO!

Con cu bay bin, ningun hende lo por anticipa sino resultado di voto lo determina kende finalmente lo goberna! Loke si ta un hecho, tin miles di hende cu ta broma y pretende cu nan ta sostene e margen di socialismo democratico politico pero lamentablemente nan ni por respeta opinion politico di otro!

Loke ciudadania di Aruba mester tene na cuenta ta e hecho cu si tin un cas cu tin un borchi of bandera GEEL por ehempel, ningun fanatico di partido berde por ehempel ta suppose di tribi pa drenta cura y subi tereno di dicho cas pa propone cambia accesorio di color politico, pio ainda sin autorizacion di propietario di e cas, pio ainda cu ta presenta cu batayon di hende na cas caminda na e momento ey tabatin 2 hende di edad (79 anto 70 aña) den e cas caminda cu nan a spanta ora di wak tal multitud di hende full bisti, mi ta kere hasta den jockey y panty, cu color berde!

Na Sr. Gario mi ker a manda bisa cu e no mester a instiga ni manda ningun hende tampoco pa cu e borchinan color geel na cas di mi parientenan pasobra simplemente si Sr. Gario himself a presenta e su so mes, e borchinan aki obviamente y simultaneamente lo a cay den otro door di e bunita uiterlijk di Sr. Gario su cara!

Loke Aruba mester presta atencion na dje, segun mi opinion ta e hecho cu nunca antes tabatin asina hopi empleadonan publico cu a tene protesta, nunca antes tabatin asina hopi caso entama di parti gremionan sindical contra decisionan y actonan gubernamental!

Aruba mester puntra su mes si acaso “FACELIFT” ta e unico acontecimento pa consolida seguridad, finanzas publico, pone e ser humano central, forma e ciudadania den un parti integral di e ordenanza constitutional, percura pa e ciudadania obtene un mihor cuido medico, y percura cu otro regionnan no tuma iniciativa pa take over Aruba, pesey mes lo ta prudente pa hende haci use di nan derecho di voto y vota conscientemente.

No obstante e hecho cu ami gusta mi Gouda Kaas, mi juice di Appelsina y mi Solo cayente y respetando tur opinion y color politico, na cada partido y politico mi ta desea hopi exito.

 

Junior Rivas.

(Adres conoci

pa Redaccion).

 

- Advertisement -

DUNA COMENTARIO

Please enter your comment!
Please enter your name here