Home Evenemento Carubbian Festival ta un exito di comienzo te fin

Carubbian Festival ta un exito di comienzo te fin

89
0
SHARE
- Advertisement -

ORANJESTAD (AAN): E tan conoci Carubbian Festival a demostra desde su gran entrada pa 2017 di ta un festividad icono na San Nicolas pa local y bisitante internacional.

Desde e inicio di Carubbian Festival na augustus e cambionan cu a worde haci a cay na agrado sigur di comunidad completo, unda ya caba por calcula mas di 10 mil bisitante cu a bay San Nicolas pa celebra e Herencia Cultura di e cuidad presenta den un show den un bachi completamente nobo.

Comentarionan riba caya y di nos bishitantenan ta sumamente positivo, mirando cu hasta e setup di e VIP a cambia, y ta brinda e turista e posibilidad pa combersa cu e local; unda hunto nan ta goza, baila y disfruta.

Pa loke ta trata e area arteanal por a tuma nota cu tin hopi atencion pa brinda oportunidad na artesanonan local pa por promoiona nan arte, conhutamente cu e empohe di Cosecha  ta conta cada bes cu mas y mas artesano.

Carubbian Festival ta tambe hopi conoci pa su ‘ foodcourt’, siman tras siman esaki a sa di capta hopi atencion cu un variedad grandi di cumindanan for di diferente parti di region cu sigur ta forma un parti di e autenticidad di San Nicolas.

Mas cu claro tin hopi mas cu tur esaki na e festival. Sigur tur diahuebs ta dia pa celebra na Carubbian cuminsando ya caba di 6’or di atardi pa 10.30 di anochi.

E siman aki lo no ta diferente unda cu lo tin riba e esenario grandi Popcorn Dancers, y Caribbean Band. Entrada completamente gratis.

- Advertisement -

DUNA COMENTARIO

Please enter your comment!
Please enter your name here