Home Evenemento “Catch me at my Best” a culmina na Hilton Aruba Caribbean Resort...

“Catch me at my Best” a culmina na Hilton Aruba Caribbean Resort & Casino

28
0
SHARE
- Advertisement -

ORANJESTAD    (AAN):   E programa di ‘Catch Me at My Best’ cu a tuma luga e zomer aki na Hilton Aruba Caribbean Resort & Casino a culmina cu un Supermarket Sweep dibertido y anima, permitiendo Miembronan di Ekipo di e resort cu a ricibi e cantidad mas hopi di ‘catch,’ pa “speed shop” na Superfood, durante un evento despues di trabou organisa conhuntamente cu e tienda popular, pa e di dos anja consecutivo.

E competencia interno di Catch Me at My Best durante e lunanan di zomer a wordo disenja pa reconoce Hilton Hotels & Resorts su Miembronan di Ekipo pa e hecho cu nan ta biba y respira e marca su pilarnan y e balornan di HILTON, encapsula den e acronimo di HILTON, esta Hospitality, Integrity, Leadership, Teamwork, Now.

E programa a permiti e Miembronan di Ekipo pa ‘catch’ otro miembronan di ekipo of gerentenan of vice versa durante nan miho momentonan, haciendo algo special of dunando un extra esfuerso. Huespetnan di e resort tambe a participa den e programa y a “catch” Miembronan di Ekipo of Miembronan di Gerencia ora nan tabata atento di detayes of a haci un contribucion significante.

“Miles di acto extraordinario ta tuma luga na nos hotel y sitionan corporativo tur dia, haciendo Hilton e compania cu e miho hospitalidad na mundo,” Gerente General Hans George Roehrbein a bisa. “E meta di Catch Me at My Best ta pa reconoce e actonan aki, grandi y chikito, y mustrando nos aprecio pa e Curason di Hilton, nos Miembronan di Ekipo cu ta duna bida na e filosofia aki. Nos ta di e opinion cu si nos kier provee experiencianan autentico pa nos Huespetnan, nos mester reconoce e Miembronan di Ekipo cu ta haci e experiencianan aki posible.”

Na conclusion di e programa, cu 2,661 “catch,” seis miembro di ekipo cu e cantidad mas halto, tanto ricibiendo como dunando, a haya 2 minuut pa core cu nan garoshinan rond di Superfood y haci nan compras.

E top 3 ganadornan cu a ricibi e cantidad mas halto di “catch” tabata: Norma Lacle, Yeda Andrade y Daniel Muller. E top 3 ganadornan e top 3 ganadornan cu a duna e cantidad mas halto di “catch” tabata: Marilu Erasmus, Sheldon Leuden y Bibi Ohab.

Riba e gran dia, e candidatonan di Catch Me at My Best a bini hunto na Superfood y a sali na careda den diferente parti di e supermercado como parti di un competencia unico di Supermarket Sweep, cual a conclui e campanja, y a premia nan cu garoshinan yena cu comestibles.

E evento tabata yena cu energia halto y hopi entusiasmo, y e participantenan tabata anima mientras cu tur e otro Miembronan di Ekipo tabata apoyando nan.

E programa anual di Catch Me At My Best ta encurasha miembronan di e ekipo pa lucha pa excelencia, ya cu e ta provee oportunidadnan igual pa gana pa tanto e asociadonan como miembronan di gerencia. Ta importante pa nota cu Norma Lacle y Yeda Andrade tambe tabata entre e ganadornan di anja pasa. Un pabien ta bai na esnan cu consistentemente ta logrando metanan halto.

- Advertisement -

DUNA COMENTARIO

Please enter your comment!
Please enter your name here