Home Social Chris Kross preparando pa su presentacion den Caribbean Sea Jazz Festival

Chris Kross preparando pa su presentacion den Caribbean Sea Jazz Festival

39
0
SHARE
- Advertisement -

ORANJESTAD (AAN): E artista Chris Kross ta un di e diferente artistanan musical cu lo presenta durante e Caribbean Sea Jazz Festival. Chris Kross ta un artista cu ta hayando acogida y popularismo rapidamente den e mundo di jazz na Aruba. el a cuminsa toca su guitara den e Festival aki ora e tabata tin solamente 16 aña di edad.

Den e Festival aki, e studiante di Berklee aki tin un plan basta serio pa impresiona tur hende!. Chris ta un musico y guitarista naci aki na Aruba na aña 1995, For di chikito Chris tabata tin un desea inmenso pa siña musica. Su carera musical a cuminsa ora e tabata tin 5 aña di edad cu lesnan di piano, y cu 9 aña el a ricibi for di su tata un guitara electrico como regalo.

Cu un gran sonrisa riba su cara, pasion pa e musica y un personalidad electrico, Chris Kross ta un hoben musico talentoso. Su faborito genero di musica ta Jazz, R&B, Funk, Salsa, Latin Jazz y Bossa Nova.

Na 2012 Chris Kross a presenta su mes live pa prome biaha cu su prome banda KrossHart, un proyecto huntu cu baterista Arubano Siegfried Hart. Mientras cu su carera a cuminsa expande , na aña 2015 el a forma un banda cu 4 integrante Fuente, nan a lansa nan prome album cu e nomber Fuente cu nan cantica “Aw’i Coco”. Chris Kross tambe a participa den e banda Arubiano N’Fuzion y como invitado cu e banda Buleria na e Soul Beach Festival tocando e cantica Purple Rain di Prince.

Actualmente Chris ta studiando na e Universidad Internacional di Florida den e departamento di musica. Su plan despues di su studio ta pa continua den e industria di musica. “Mi lo kier haci hende contento cu mi musica, esey ta mi goal, y si mi logra pa djis laga un persona smile cu un solo cancion, pa mi esey lo ta suficiente”.

E anochi aki Chris Kross lo presenta su mes cu un grupo di persona. Reno Steba for di Aruba, a cuminsa su carera como un tocado di baho na Aruba y a crece mas den Europa pa ta un compositor cu hopi experiencia y conoci.

Reno ta temporalmente back na Aruba y sigur lo duna un presentacion energetico dia di e Festival.

Jeremy Bonaribba for di Aruba, su talento a lag’e bira un di e drummernan na Aruba cu mas demanda y cu hopi experiencia internacional. Randal Corsen for di Curacao, e pianista renombra aki tin un cantidad grandi di premio gana internacionalmente y hopi exito patras di su nomber. Un leyenda den e musica di Dutch Caribbean. Chris Kross y su grupo lo toca tambe cu e cantantenan Michelangelo Koolman y Susjaira Kerpens. Michelangelo ta un cantante veterano cu tin hopi produccion y tocamento internacional. Susjaira ta un hoben cantante cu ta creciendo den e carera aki. Tur esaki lo ta perfecto pa haci e grupo aki duna un presentacion super special.

Haci uzo di e oportunidad aki pa presencia e maraviyoso concierto di Chris Kross cu lo presenta Diabierna 15 di September durante e Caribbean Sea Jazz Festival na Renaissance Festival Plaza. Pasa busca bo ticket na prijs di benta adelanta aworaki.

- Advertisement -

DUNA COMENTARIO

Please enter your comment!
Please enter your name here