Home General CITGO mester ta den full operacion pa comienzo di 2019

CITGO mester ta den full operacion pa comienzo di 2019

54
0
SHARE
- Advertisement -

Segun Alvin Koolman, director di CITGO

ORANJESTAD   (AAN): Refineria di Aruba a haya un update di Citgo Aruba, caminda cu nan a presenta tur plan cu nan tin pa e proximo lunanan te otro aña, pa loke ta startup sequence y hiremento. Na september lo cuminsa cu inspeccion di e planta.

E mancamp lo bay den full blast. E prome 400 camanan lo ta cla pa dia 15 di October y pa comienso di aña, full e 1500 lo ta cla. E ta masha importante pasobra e cantidad di hendenan di afo cu tin cu bin pa henter e proyecto ta importante. Mientras tanto nan ta subi e cantidad di hendenan local. Local vast ta mas of menos 1000 hende tin na Aruba pa e refineria. E resto tin cu import’e y poco poco ta creciendo.

Ultimamente tin entendi cu 20 pa 21 empleado extra a wordo tuma na trabao door di Citgo Aruba. Ainda Citgo no ta full fledge upgrader ainda. Pero awo mas tanto como terminal nan ta. Poco poco nan ta bin y durante expo labor nan a presenta cu e aña aki ta busca mas di 40 y lo tin mas di 20 cu lo bay bin. Pa otro aña lo tuma 400 pa asina prepara pa e startup cual lo tin cu tuma luga na final di 2018 y pa 2019 e mester ta den full operacion.

Segun director di Refineria di Aruba, Alvin Koolman, retraso tabata den e ultimo aña. Hopi trabao no a wordo haci. Di parti di finansas no a keda cla. E parti di firma cu e consorcio a tarda tambe su plazo. Awor aki cu a cuminsa bin cla y firma tambe ultimamente cu e consorcio, ta mira movimento ta tuma luga. Awor aki un grupo grandi di e consorcio ta na Aruba, pasobra nan a tuma over pa haci e trabao, pa haya un financiamento final. Si tur cos bay bon pa fin di aña nan mester di esey. Loke nan ta gastando awor aki ta placa di Citgo mes, pa e trabaonan no para. Paralelo cu esey, nan por cuminsa na final di aña sigui caba cu e proyecto pa comienso di 2019.

Tur obligacion fiho ta wordo paga na RdA. E belasting tambe ta wordo paga na Gobierno. Nan trahadonan ta wordo paga. No tin ningun clase di cos cu no ta wordo paga. Tin rumor y algun caso tambe cu pago na contratista ta bayendo slow. Ora cu bay find out, e control di time sheet prome cu wordo paga ta wordo controla. RdA ta vigila tur eseynan y percura pa tur cos bay netjes, cu toch no tin problema cu tin esey. Hopi biaha Citgo a tuma over un sistema di Valero, e elimine y bin cu nan mesun sistema, cual tambe a tuma retraso den e parti di administracion. Pero por lo general e operacion ta bayendo hopi bon y Koolman ta satisfecho te cu awor aki.

Tin otro proyecto rond di e rehabilitacion entre otro un planta di coriente. Un MoU a wordo firma entre Utilities, WEB y RdA. Aki ta mustra interes pa bay suministra henter e parti di coriente y awa. Esey ta den e parti di MoU ainda. Awor aki a haya informacion cuanto nan mester pa nan operacion transitorio y te na final. Ta bezig pa sinta hunto cu nan pa negosha con lo bay ta den e siguiente fase. E proceso ta andando, pero ainda den un fase inicial, segun Koolman.

 

 

- Advertisement -

DUNA COMENTARIO

Please enter your comment!
Please enter your name here