Home Enseñanza Colegio EPI tin 20 aña wardando ariba un lokaal adecuado pa gym

Colegio EPI tin 20 aña wardando ariba un lokaal adecuado pa gym

15
0
SHARE
- Advertisement -

ORANJESTAD (AAN):  Diabierna mainta docentenan na Colegio EPI a bay den manifestacion.

E situacion na Colegio EPI ta un situacion hopi fastioso. EPI ta celebrando 20 aña, pero celebrando 20 aña di promesa, wardando ariba algo cu no ta yega nunca.

Señora Nathaly Carlo, docente di EPI ta splica mas ariba e situacion aki.

Docentenan di gymnastiek ta dunando les di gymnastiek den temperaturanan di 38 pa 40 grado, cual ta uno inacceptabel. Door di e calor insoportabel, studiantenan ta cay flauw y ta yega e momento cu no por sigui mas.

Segun Señora Carlo, e accion aki ta dirigi ariba dirigentenan di Aruba, minister di Enseñansa, minister di Deporte y Salud, minister di Finanzas y minister Presidente. Tur tin di haber cu e situacion aki. E placa pa e gymzaal tabata tey, pero cada ministerio a keda kita placa for di e fondo y uz’e pa tur cos, menos pa e gymzaal.

Faltando 13 dia pa eleccion, directiva di EPI no ta keda warda ariba eleccion. E accion di diabierna mainta, nan no a haci’e pa eleccion, pero pa yama atencion pa e problema aki.

Studiantenan di EPI ta hayando les di gymnastiek, pero den e solo cayente aki. E ta un situacion inacceptabel, segun docente di Colegio EPI, Señora Nathaly Carlo.

 

- Advertisement -

DUNA COMENTARIO

Please enter your comment!
Please enter your name here