Home Comentario Completamente desapunta cu ATA Suigeneris

Completamente desapunta cu ATA Suigeneris

10
0
SHARE
- Advertisement -

Comentario:

Pa Mercedes Monge

Prome cu mi a skirbi e comentario aki mi a pense varios biaha, pasobra mi no ta un persona y sigur no un periodista, cu ta busca polemica, pero respet!

Sinembargo, despues di cu pa añanan largo mi tabata sigui cu hopi atencion e desaroyonan di Oficina di Turismo di Aruba, tanto tempo cu sr. Rory Arends tabata director, como despues cu sra. Mirna Jansen-Feliciano a ocupa e cargo aki, no solamente mi tabata cubri conferencianan di prensa sino otro eventonan, y ademas diferente entrevista mi a yega di realiza, pa ami ta hopi di lamenta cu aworaki mi ta wordo, practicamente poni un banda como periodista, pa e instancia aki.

Mas cu dos luna pasa mi a yama e Secretaria di e Directora (un dama sumamente amable) pa wak si mi por a haya un entrevista cu ne, riba e negociacionnan riba tereno di turismo cu den tempo cu sr. Oduber tabata Minister di Turismo, tabata tumando lugar cu Panama.

Mi kier a trece e tema dilanti den cuadro di e di 40 aniversario di e Tratadonan Torrijos-Carter, otro siman, den contexto di un cooperacion informativo cu DIARIO a sostene cu Fundacion Omar Torrijos Herrera. E entrevista tabata pa mi cera e serie di articulonan al respecto.

Nunca mi por a haya e directora, pero si mi a ripara cu otro miembronan di prensa si tin acceso na dje. Mi mes ta transcribi grabacionnan di un otro colega reportero, cu si tin porta habri di ATA. Bon, danki Dios!

Como cu tabata asina un mision imposible, ultimo biaha cu mi a yama nan a referi mi na un dama di fam Tilma. Nos a papia bon na telefon, el a duna mi su email pa mi manda e preguntanan cu e promesa cu lo mi haya nan contesta via email cu potret.

Di esaki ya a pasa mas cu un luna. Mi a yama puntra pe, laga mi telefon cu un otro dama (tambe hopi amable) pero nunca mi a haya contesta. Mi a manda un mail pa sra. Tilma cu te dia di awe tampoco tabata tin e gentileza di contesta.

Siendo ATA un institucion asina importante y cu un di su basenan mester ta etica, mi ta sinti berdad desapunta si mi tin cu pensa anto, cu nan ta haci diferencia cu un periodista, manera mi ta sinti ta mi caso. Den mi trayectoria di 25 aña sirbiendo e medio aki y consecuentemente nos pueblo, mi tin cu gradici e confianza y respet cu mi ta ricibi. Pakico no di ATA Suigeneris?

- Advertisement -

DUNA COMENTARIO

Please enter your comment!
Please enter your name here