Home Policial Cuerpo Policial a cambia su maneho pa loke ta Parada final

Cuerpo Policial a cambia su maneho pa loke ta Parada final

698
0
SHARE
- Advertisement -

Dos siman prome cu eleccion

ORANJESTAD    (AAN): Dia 22 di September ta den porta y e keintura di eleccion t’ey tur caminda. Tin bishitanan di cas pa cas di parti di tur e partidonan participante y hasta varios parada chikito ta tumando luga.

Den e proximo simannan prome cu eleccion lo bay tin parada si, pero den un mayor escala y pa esey, e partidonan normalmente lo tin cu pidi permiso pa tene esaki y cu finalmente e diadomingo prome cu eleccion, e partido di mas grandi, esta e partido na mando, lo bay tene su parada, diadomingo dia 17 di September.

Pero na un manera sorpresivo, mando policial a dicidi di cambia su maneho. E biaha aki nan lo bay tira lot, kende lo bay tene su parada riba e fecha aki. Pero cos tabata diferente na 2013. E tempo eynan, partido MEP a haci un peticion pa tene su parada riba dia 22 di September, cual e tempo ey a cay riba un diadomingo, prome cu eleccion, cual tabata dia 27 di September, pero esaki a wordo nenga y a haya e opcion pa tene su permiso sea dia 21, esta e diasabra prome of diadomingo dia 15 di September 2013.

E tempo eynan, segun Altocomisario Dolfi Richardson, MEP cu AVP no por core para riba mesun dia. Mirando esaki, a menciona cu Altocomisario lo mester a bay presenta un proposicion na Minister di Asuntonan General. Mester ilustra cu esaki tabata e maneho di Altocomisario na 2013, cual nunca mas no a sinta riba loke ta e cambionan cu supuestamente mester a wordo haci despues cu eleccion a pasa.

Awo diripiente, dos siman prome cu eleccion, esaki a bira un punto di discusion. Polis awor kier saca lot pa mira cua di e 8 partidonan politico participante lo tene nan ultimo parada prome cu eleccion. Esaki despues cu Minister di Asuntonan General, encarga cu mantencion di Orden Publico a ordena e Altocomisario, pa duna e partido na mando e opcion ey, manera ta custumber.

Como cu e Polis ta actua den nomber di Minister di Asuntonan General, e no por haci nada mas. Awor MEP ta evalua un caso sumario pa laga Hues dicidi ken lo core parada diadomingo awo, pasobra Polis a cambia su maneho despues di tanto aña.

 

 

- Advertisement -

DUNA COMENTARIO

Please enter your comment!
Please enter your name here