Home Comentario Departamentonan di SVb y Labor no ta proteha e derechonan di e...

Departamentonan di SVb y Labor no ta proteha e derechonan di e trahado

57
0
SHARE
- Advertisement -

ORANJESTAD (AAN)– “Si e doño di trabao anterior no ta retira e trahador di su lista na SVb, e persona no por, personalmente, regla su papelnan manera ley ta exigi, locual ta indispensable pa e tramite cu DIMAS. Y bo empleador nobo no por aplica bo tampoco na su SVb”. Esaki ta e contesta cu un trahador stranhero ta hayando di e instancianan menciona locual ta haciendo masha dificil pa e regla su permiso laboral pa un trabao nobo.

Ta inaceptable cu den e temponan asina moderno aki, na unda tin tanbo movecion pro e derechonan humano y exigencianan na un trato laboral digno, entidadnan crea pa proteha e factornan aki ta sigui pro e beneficionan di e dunador di trabao y no di e empleado.

Nos staf di redaccion di DIARIO a conoce e caso di un persona stranhero cu no a logra soluciona su situacion laboral legal pa motibo cu Integracion, Maneho y Admision di Stranhero, ta exigi den e documentacion pa un permiso di trabao, un declaracion expedi door di e Oficina di SVb (Verklaring Registatie Werknemer).

Un documento cu ta wordo nenga na e stranhero aki y via email e ta wordo splica cu un trahador no por ta registra den dos compania. Y ta akinan unda e caminda di Cruz ta cuminza pa e persona aki, pasobra segun su relato, el a sali bao di intimidacion, menaza y violencia for di su trabao anterior y esaki ta splica e pakico aun e ta sigui registra, pues for di principio di e luna di Juni 2017, el a wordo retira violentamente for di e instalacionnan di dicho compania. E ta comparti nos den su relato cu dos siman despues el a haya trabao y e compania nobo mester ordena su papelnan di SVb y haci su permiso di trabao.

Den su cita na DIMAS nan a rechaza su papelnan y nan a splike cu sin e registro di SVb e no por haya su permiso di trabao, y na SVb nan ta bise cu si e ex-hefe anterior no ta retire for di e seguro di SVb nan no por haci nada, y nan a aconsehe pa bay Oficina di Labor.

Akinan nan a responde cu SVb mester manda un inspector pa controla e situacion, pero igualmente nan a bise cu ta su ex-hefe ken tin su situacion laboral den su man.

Si e Hefe anterior no ta retire for di SVb e no por registra su mes den un empleo nobo, y den e empleo nobo aki nan ta interesa na regla su papelnan laboral, manera ley ta exigi y Departamento di DIMAS.

Mester haci un investigacion pa proteha e derechonan laboral di e empleadonan, aki na Aruba, ora no ta husto cu e trahador no por retira su mes boluntariamente di SVb, si e no kier traha mas cu un compania.

- Advertisement -

DUNA COMENTARIO

Please enter your comment!
Please enter your name here