Home Politica Deseo di pueblo ta pa e dos partidonan grandi sinta hunto goberna

Deseo di pueblo ta pa e dos partidonan grandi sinta hunto goberna

162
0
SHARE
????????????????????????????????????
- Advertisement -

Rudy Geerman di SER:

ORANJESTAD (AAN) – Señor Rudy Geerman, director di SER, tambe a topa cu prensa despues di a bishita sr. Gobernador, Diaranzon.

El a splica cu supersona hunto cu e Secretario di SER a wordo invita pa duna nan opinion.

Geerman a expresa cu na prome lugar, pueblo a papia un palabra cla. Esaki den sentido cu pueblo a duna e dos partidonan mas grandi e cantidad di asientonan igual, y consecuentemente, e deseo di pueblo ta pa nan dos bay traha.

Kiermen, e posibilidad mester keda habri cu lo por papia cu e dos partidonan y si acaso e no logra e nifica cu un di e dos partidonan aki mester busca e base mas amplio posible pa e ora ey hiba e gobernacion.

“Nos ta kere cu pueblo ta papia cla kiermen cu tin un tarea pa haci. Nos a trece diferente punto dilanti, cu ta di preocupacion, pero aworaki cu Gobernador tin su tarea di sondea den tur instancianan y papia cu informador, pa e ora ey busca e posibilidad pa forma gobierno”, Geerman a señala.

E rol di SER ta aconseha gobierno na momento cu esaki pidi conseho. Pero tambe ora SER no haya ningun peticion di gobierno ley ta duna SER e libertad pa nan mes bin cu un tema cu no tin di haber cu un pregunta cu gobierno a haci.

Den SER ademas di e personal tin tres sindicato representa eynan, plus tres dunador di trabao y tambe tres hende cu ta representa gobierno.

Kiermen tin un base di discusion di hende cu ta representa diferente departamento loke ta nifica cu SER su conseho ta carga e sosten di e totalidad.

- Advertisement -

DUNA COMENTARIO

Please enter your comment!
Please enter your name here