Home Politica Detencion di minister Croes a wordo prolonga Parlamento ta haci manera nada...

Detencion di minister Croes a wordo prolonga Parlamento ta haci manera nada a pasa

149
0
SHARE
- Advertisement -

POR cu conferencia di prensa extraordinario:

ORANJESTAD (AAN) – Partido Pueblo Orguyoso y Respeta (POR), Plataforma e Forza Nobo, a yama un conferencia di prensa extraordinario, pa trata un par di punto cu den nan concepto, ta hopi importante.

E prome tema, na encargo di Parlamentario mr. Andin Bikker, ta e prolongacion di e detencion di Minister Paul Croes cu 60 dia mas, y el a trece dilanti cu dia 29 di Augustus su persona hunto cu su colega drs. Marisol Lopez-Tromp a pidi un reunion urgente, na Presidente di Parlamento, sra. Mervin Wyatt-Ras, no solamente cu e dignatario ta sospechoso for di dia 28 di Maart sino cu mientras tanto el a wordo deteni y riba preguntanan di prensa, Minister Presidente a declara cu su posicion no tin un base legal pa kita su cartera, y cu tin cu haci un cambio den e Constitucion.

Kiermen e mandatario tabata anticipando na e cambio aki y nan a bin cu un nota di cambio ora nan a trata e ley di integridad di minister, un par di luna pasa, cual POR, por cierto, a abandona.

Parlamentario mr. Bikker a subraya cu no ta solamente e mandatario ta deteni pero henter su staf practicamente. Algo cu lamentablemente ta un punto delicado den e historia politico di Aruba.

No obstante, ora e mandatario a keda deteni minister presidente a constata y acepta cu, huridicamente, no tin un base legal pa e situacion den cual Minister Croes ta den dje. Parlamentario Bikker a subraya cu no tin un base legal pa e simple nos Constitucion no conoce minister sin cartera.

E argumentonan cu e minister no ta riba lista y cu el a distancia su mes di e partido, ta completamente non sense. Bikker a remarca cu e mandatario aki tin un funcion pa cual e ta cobrando un salario na custia di pueblo di Aruba, y e ta deteni y ainda mas a prolonga su detencion cu 60 dia mas y e tin entendi cu te fin di December ta bay planea ki dia y con lo cuminza trata e caso penal, cu probablemente lo tuma lugar na cuminzamento di otro aña.

Historicamente, e parlamentario a subraya, nunca Aruba a conoce un minister deteni y cu su detencion a wordo prolonga pa asina tanto tempo y cu tur su staf, practicamente, ta deteni.

Segun mr. Bikker e fraccion di AVP kier haci tur cos lief pa gobierno pero no kier toca e tema di Minister Croes. Prome Minister tampoco ta duna cuenta na Parlamento desde dia cu el a bay den welga di insure, y aworaki tin e situacion increible cu ni pasobra diamars tabata tin apertura di Aña Parlamentario, y Parlamento no kier papia riba e tema.

Pa tal motibo diaranzon POR a manda un carta urgente pa Presidente di Parlamento, pasobra manera nada a pasa nan ta bay yama reunion pa institui comisionnan di Parlamento, por ehemplo pa bay Parlatino.

Esaki mientras aki nuebe dia ta bay tin eleccion pa un Parlamento nobo y e argumento cu Presidente di Parlamento a duna ta cu e ta bay papia un rato wak cual ta e comisionnan cu ta bay Parlatino.

Esaki mientras nos pais ta constitucionalmente den un crisis cu posible repercusion riba otro ministerionan. Segun Bikker, na final di dia no ta Minister Croes ta duna permiso pa estadia sino Minister Sevinger. E parlamentario a splica cu Minister Paul Croes por a duna omgeving, cu e persona concerni no mester bay pasa un screening si e tin un trabao of si tin un vacante cu no por wordo yena pa un persona local, pero esey no mester bira un automatismo cu e minister encarga cu permisologia ta duna e permisonan aki.

El a cuestiona tambe cu Minister Presidente, masha nervioso, na Maart ora el a wordo puntre si e no tabata sa el a acepta cu for di un aña pasa tabata tin rumornan cu algo ta pasando y el a manda hende papia cu e minister.

 

- Advertisement -

DUNA COMENTARIO

Please enter your comment!
Please enter your name here