Home Politica Diadomingo di Campaña masal di Partido MEP

Diadomingo di Campaña masal di Partido MEP

587
0
SHARE
- Advertisement -

ORANJESTAD (AAN): Ya yegando na clausura di nos campaña pa Election 2017, Partido MEP a tene su ultimo diadomingo pa un campaña masal di bario pa bario pa Saluda nan hendenan y yama nan danki pa nan sosten na nos partido.

Partido MEP a marca historia un biaha mas ora cu masalmente pueblo a responde na nos yamada pa campaña den tur bario di Aruba hunto cu lider di MEP, sra Evelyn Wever-Croes y tur e candidatonan.

Mes momento nos a organiza un accion pa recauda fondo pa yuda damnificadonan di St Maarten, accion #YudaSinMiedo na unda Aruba a mustra un biaha mas cu nos ta yuda nos rumannan den reino. Na nos diferente cedenan rond Aruba, nos a pone un buzon pa asina esnan cu e deseo di yuda, por a pasa y haci nan donacion. E donacion aki a worde entrega na Rode Kruis Aruba cu lo percura pa e donacion aki yega su destino. Un danki na tur esnan cu a colabora den e acto di bondad y hermandad aki.

E campaña masal a termina na Plaza Starke den curason di Playa cu un actividad bon presencia y bou animacion di Robert Jeandor y su Solo Banda Show.

Den su discurso e anochi aki, Lider di MEP, sra Evelyn Wever-Croes a encurasha un y tur pa bay trankil e resto di dianan cu falta prome cu eleccion y pa tur sigui positivo pero firme y no laga ningun hende intimida ni provoca niun hende pa asina tur cos bay bon te dia di Victoria pa nos partido.

“Dia 22 di September, e decision ta den nos man. Nos lo bay determina den ki man nos ta bay entrega e maneho di e pais aki. Nos ta bay determina con nos ta bay laga e pais aki pa nos yiunan y nan yiunan. Laga nos tur convence un hende mas pa deposita nan voto di confianza den Partido MEP cu ta e unico speranza pa salba nos pais. Nos vision ta e solucion pa cambia e rumbo di nos pais pa un miho”, tabata e palabranan di curashamento di Lider di MEP.

- Advertisement -

DUNA COMENTARIO

Please enter your comment!
Please enter your name here