Home General Diadomingo y Dialuna awor lo cera rotonde Pos Chikito den oranan di...

Diadomingo y Dialuna awor lo cera rotonde Pos Chikito den oranan di anochi

58
0
SHARE
- Advertisement -

ORANJESTAD (AAN):  Departamento di Obra Publico ta informa pueblo di Aruba en general y specialmente nos automobilistanan cu ta haci uzo di e caminda principal di Oranjestad pa San Nicolas cu diadomingo 1 di october 2017 y dialuna 2 di october 2017, desde 8or di anochi pa 6or di mainta, lo bay cera e rotonde di Pos Chikito.

Motibo ta cu lo bay raspa y asfalta e caminda di e rotonde y tambe parti di camindanan cu ta conecta na e rotonde.

E desviacion nan di caminda ta lo siguiente:

Trafico for di Oranjestad direccion San Nicolas, ta worde desvia via di e rotonde di Kibaima, direccion Balashi (WEB), pasa dilanti TeleAruba bay ariba, riba e caminda secundario di Pos Chikito y na e T-kruising di Malohistraat direccion zuid pa e caminda di Spaans Lagoenweg (Mangel Halto beach) y sali riba e caminda patras di Pos Chikito y na La Granja restaurant subi back riba caminda principal direccion San Nicolas.

Trafico for di Sta Cruz direccion San Nicolas, por usa e caminda via di Franse Pas pa Sabana Basora y Rooi Lamoenchi direccion San Nicolas.

Trafico for di San Nicolas direccion Oranjestad, ta worde desvia na La Granja restaurant direccion zuid, pasa riba e caminda secundario di Pos Chikito, na e cruzada di Spaans Lagoenweg direccion Mangel Halto beach y na e T-kruising di Malohistraat direccion noord, sali riba e caminda secundario di Pos Chikito, pasa dilanti di TeleAruba y sali back na e rotonde di Kibaima direccion Oranjestad.

Trafico for di San Nicolas direccion Sta Cruz, por usa e camindanan via Rooi Lamoenchi y Sabana Basora pa Franse Pas y yega Santa Cruz.

En conexion cu e trabaonan menciona Departamento di Obra Publico ta haci un peticion na tur automobilista pa no haci uzo di e camindanan menciona y ta pidi pa tene cuenta cu e inconveniencianan cu lo por surgi pa cual nos ta pidi nos disculpa.

- Advertisement -

DUNA COMENTARIO

Please enter your comment!
Please enter your name here