Home General Diaranzon Crusero Adventure of the Seas lo yega Aruba cu evacuadonan di...

Diaranzon Crusero Adventure of the Seas lo yega Aruba cu evacuadonan di St. Maarten

480
0
SHARE
— Algun di evacuadonan den e Lyric Theatre hayando informacion.
- Advertisement -

ORANJESTAD (AAN): Riba Diadomingo, e barco Adventure of the Seas di Royal Caribbean a bay ancra na St. Maarten pa brinda yudanza humanitario.  Nan a entrega material, y a yuda evacua mas di 300 hende, cu a sufri debi na Horcan Irma.

— Consul Margaret Hawthorne di Merca dunando informacion.

Prome cu el a regresa Puerto Rico (e destino final di e viahe), e barco a mara Diamars na e waf di Curacao, prome cu e sali rumbo pa Aruba

Riba Diamars na Curacao, e Consul General di Merca a suministra yudanza na e ciudadanonan Mericano cu a wordo evacua cu e barco, cu a inclui un bishita na un docter na esnancu tabatin mester di atencion meidco, y un bishita na veterinarionan local pa duna cuido na esnan cu a bin cu mascota.

Consulado General Margaret Hawthorne di Merca, a expresa su gratitud na Royal Caribbean International pa nan sosten y a sigura e evacuadonan cu Gobierno Mericano ta haciendo tur esfuerzo pa evacua e Mericanonan cu ainda ta pega na St. Maarten.

Gobierno di Merca a expresa su aprecio na Gobierno di Curacao pa a duna asistencia pa laga e barco mara na Curacao y pa e chens cu staf di Consulado General di Merca a duna yudanza na e evacuadonan.

- Advertisement -

DUNA COMENTARIO

Please enter your comment!
Please enter your name here