Home Suceso Director Edwin Jacobs a scucha claramente via telefon kico tabata pasando cu...

Director Edwin Jacobs a scucha claramente via telefon kico tabata pasando cu e Docter cu a wordo agredi

477
0
SHARE
- Advertisement -

ORANJESTAD(AAN): E situacion cu a tuma luga na SVb na San Nicolas, caminda cu docternan di control ta worde agredi, ya tin un tempo caba ta andando.

Riba e pregunta na director di SVb, Edwin Jacobs, ki siguridad e dokter aki tin, el a contesta cu e cambernan di control ta ekipa cu un boton di panico. Na momento cu e dokter sinti cu e situacion ta bay den un direccion cu no ta deseabel, e ta primi e boton di panico. Na e oficina di administracion medico e alarma ta bay on. Na e momento ey, miembro di siguridad cu tin presente den e salanan, ta acudi na e camber, wak kico por ta pasando. Esey ta e medidanan cu tin na e momentonan aki y cu ta bay ta fortificando.

E dokter di control na SVB San Nicolas, a worde agredi y el a haye ta acudi na ImSan pa haya e rapport corespondiente pa asina haci denuncia na polis. Mas despues tambe SVb lo percura, mediante di departamento di recurso humano, divulga e incidente aki y tin e confianza cu lo tuma e pasonan disciplinario maximo corespondiente.

SVb su sucursalnan tin Security caba den oranan di mainta. Tin companianan priva tin siguridad na tur e oficinanan di SVb cu ta atende cu cliente cu tin un grupo grandi di persona. Tin cu agrega cu regularmente ta haya notificacion di cierto agresividad bao di e personanan, principalmente tin hopi biaha, lamentablemente for di e sector publico, ta haya hopi reclamo, principalmente tin biaha pasobra nan ta sinti cu nan tin cu warda hopi pa worde atendi.

Si un persona a yega pa control riba un dia cu tin hopi hende, e mester acepta cu e tin cu warda. Si bo ta yega 8’or y mey pa 9’or, bo no por spera cu pa 10’or bo ta sali caba, si tin hopi hende bo dilanti.

Reaccion di coleganan:

Coleganan, manera ta e caso ora cu e alarma bay, ta sali hunto cu e siguridad, wak kico ta pasando y e prome opcion ta pa calma e situacion pa evita cu e situacion tin cu escala. Pesey por lo general ultimo dies añanan cu Jacobs ta den SVb, esaki ta di cuater biaha cu agresion fisico ta tuma luga.

Pero e parti di intimidacion ta algo cu ta pasa si cu regularidad, pero cu te awor aki, pa evita escalacion di e conflicto, e docternan no ta reacciona riba e diferente formanan di intimidacion cu ta worde uza door di clientenan.

Tin cu pone un paro na esaki y entrante fecha di awe, dia 27 di September, SVb ta cuminsa implementa un maneho di 0 tolerancia. Despues di 3 advertencia, bo persona no ta worde controla mas door di SVb cu tur consecuencia cu por tin pa bo seguro di malesa y di accidente, pa tur consecuencia cu tin cu trabao na pais Aruba.

Den caso cu bo no ta di acuerdo cu un decision di un docter, semper bo por entrega keho, semper bo por reclama. Bo tin opcion tambe pa acudi na corte si bo no ta di acuerdo cu un ponencia di e docter. Tin caminda cu bo por cana como cliente, si acaso bo ta pensa cu e huicio di e docter riba bo situacion, no ta corecto. Pero no por permiti cu diferencia di opinion ta termina den agresion. Ni den intimidacion tampoco.

Pa casualidad, na momento cu e persona aki a drenta e oficina, Jacobs tabata na telefon cu e dokter.  E Director por a sigui via telefon, claramente e parti con e persona a bira drenta cu agresividad y a expresa su mes den tono hopi agresivo, den direccion di e dokter.

Ora cu a mira e situacion eynan y cu e dokter a cuminsa tuma su pasonan di primi e boton y yama polis, Jacobs a percura pa di su banda, mobilisa otro personanan na su consultorio na San Nicolas, pa asisti den e caso aki. Y siguientemente despues Jacobs mes a sali pa San Nicolas.

- Advertisement -

DUNA COMENTARIO

Please enter your comment!
Please enter your name here