Home Labor DRH ta trahando riba conseho pa loke ta trata e contractnan na...

DRH ta trahando riba conseho pa loke ta trata e contractnan na Dimas

86
0
SHARE
- Advertisement -

ORANJESTAD(AAN): Ta sinti cu tin algun empleado disgusta of preocupa cu asunto di nan contract di trabao. Nan ta bisa cu nan contract no a worde renoba ainda of el a haya aprobacion den conseho di ministronan. Nan no a mir’e ainda, nan a worde manda cu vakantie obligatorio.

Kathy Paskel, directora di Dimas, a splica cu Dimas tin den servicio actualmente 28 persona riba contract. Ta berdad cu den e ultimo dos dianan aki e personal ta acercando e departamento di asuntonan di personal cu preguntanan cu nan tin riba nan derecho huridico, con ta para cu nan contract. A atende esaki cu departamento di recurso humano, pa nan tambe duna informacion di kico nan por spera y kico tin na informacion.

Ta asina cu e grupo aki, di cual tin di nan cu a haya un contract pa e regeringsperiodo. Tambe a haya notificacion den e ultimo periodo aki cu na esaki a worde prolonga.

E contrato mes, ni Dimas, ni e personal no tin den man ainda. For di DRH a compronde cu nan ta trahando riba un conseho pa esaki pa bevoegde autoriteiten, nan ta bezig cu esaki. Y lo duna atencion den e dianan venidero. En concreto e personal tabata tin e pregunta cu e parti di contracto cu ainda no por a contesta nan, pero tambe nan tabata tin pregunta di con ta para cu e dianan di vakantie cu nan itn acumula durante di e periodo cu nan a traha caba.

E conseho di DRH na Mei caba, di cual ya caba a comunica na personal pa planea e vakantie y spreid’e den e periodo cu e contract ta vigente. Mayoria di hende a cumpli cu esaki tambe den nan vakantieplanning. Den nan caso ta papiando di algun dia cu lo tin cu tene na cuenta, en caso cu tin otro decisionnan cu a worde tuma. Pero den algun caso tambe tin personal cu en principio lo tabata determinante pa nan sa si nan lo mester tuma nan vakantie entrante di awo.

E conseho cu a ricibi ta pa conforme na Mei tambe cu nan a informa Dimas pa laga nan tuma e vakantie den e periodo di e contracto. Esaki a informa e personal diamars, cu esey ta e conseho cu a haya for di DRH. Den ningun momento no a forsanan pa tuma un vakantie, pero e parti despues di e continuidad di contracto, ta den espera di kico DRH ta informa Dimas pa esey.

Funcionamento di Dimas:

Segun Kathy Paskel, por bisa cu e grupo aki ta un 30% di locual cu ta full e personal di Dimas, locual cu a haci den e periodo cu a pasa, conhuntamente cu DRH y tambe cu sosten di FDA, ta cu a inverti masha hopi mes den personal. Na momento cu a inverti den conocemento, training y diferente otro cos, a neem mee tanto personal cu tabata fiho, manera e ambtenaarnan y a neem mee tambe contractant.

Entrante e aña aki, basa riba consehonan di DRH tambe y teniendo cuenta cu decisionnan nobo cu ministerraad ta tuma alrespecto, a hinca tur e contractantnan tambe, hunto cu personal den un trayecto cu nan a yama Performance Management. E intension ta pa tur e trayecto aki keda finalisa, cu lo por duna tambe un conseho respecto posibel plaatsing. Pasobra nan tin diferente vacatura cu ta habri y si ta personanan cu a perform bon y cu ta cualifica pa e funcion, lo haci e voordrachtnan aki na su debido tempo.

Efecto:

Tur ta trahando. Tin algun berdad cu ta ter beschikking di minister y cu no ta na trabao. Esey tambe tin. Pero por bisa di e grupo eynan, un gran mayoria ta trahando. Tin entre nan tambe diferente grupo cu ta hendenan cu ta riba y bao di edad di pensioen.

Eynan tambe lo tin cu bay tende con ta atende cu e parti ey, pero nan ta trahando den e diferente departamentonan. Nan a drenta originalmente pa diferente proyecto y a worde poni pa diferente tarea.

- Advertisement -

DUNA COMENTARIO

Please enter your comment!
Please enter your name here