Home Labor Dunadonan di trabao ta warda te ora cu ley cambia pa aumenta...

Dunadonan di trabao ta warda te ora cu ley cambia pa aumenta salario minimo

19
0
SHARE
- Advertisement -

Segun Hubert Dirksz di FTA

ORANJESTAD   (AAN): Den e proceso, e cambio di salario minimo ta basa riba un ley y na momento cu ta haci cambio den un ley, den e caso aki, efectua e cambio di aumento di salario minimo, tin su proceduranan.

Un di e proceduranan ta comunicacion y ricibi un conseho di SER. Ta di compronde esey no a pasa segun president di FTA Hubert Dirksz. Eynan e ta keda un discusion pasobra SER ta e instancia indica pa duna conseho riba asuntonan social economico. FTA ta spera cu tanto SER lo mester duna su opinion riba dje.

FTA ta kere cu ta mas delanta. Tambe ta kere cu kisas mester di mas informacion. CBS tambe mester haci mas investigacion pa asina eynan yuda e cambio cu mester tuma luga den e ley cu ta haci cambio riba e criterianan cu mester bin den e ley y tambe si mester di aumento. Na Aruba mester di aumento y un dunado di trabao no mester warda pa haci cambio di ley pa aumenta salario minimo.

Na Aruba tin hopi condicion y beneficio. Loke ta minimo, ta e maximo. Tin hopi caminda cu e trahado tin un salario minimo, pero pa añanan largo y esey ta un falta di respet di e dunado di trabao. Mescos cu beneficionan manera vakantie, 15 dia di vakantie, tin hopi compania ta duna nan trahadonan e 15 dia di vakantie eynan como maximo y esey ta un falta di respet. Si un compania sigur ta draai bon, despues di hopi aña, un trahado cu a dedica su tempo pabo, bo tin e obligacion moral pa dun’e su beneficionan cu e merece. Dun’e su aumento, segun e capacidad di e compania, pero conhuntamente si ta traha na satisfaccion, un esfera agradabel na e compania, ta aumenta productividad cu ta na beneficio di e compania mes.

Esey FTA ta haya falta cu dunadonan di trabao ta warda te ora cu ley cambia pa aumenta salario minimo, pa ora nan bin dilanti. Al contrario, por mira tambe e necesidad di e trahado cu ta dedica tur su tempo pa traha y entrega di su parti, pa cria su famia. Di un otro banda, e dunado di trabao ta keda spera te ora cu e ley cambia pa asina duna un aumento. Esey no ta na su luga, Dirksz a splica.

 

 

- Advertisement -

DUNA COMENTARIO

Please enter your comment!
Please enter your name here