Home Politica “Dunando empleadonan oportunidad pa haci ejercicio na trabao nos ta crea un...

“Dunando empleadonan oportunidad pa haci ejercicio na trabao nos ta crea un poblacion saludabel y activo”

98
0
SHARE
- Advertisement -

Serie di conversashon cu Giovanni Arends di AVP: Ejercicio na trabao

ORANJESTAD (AAN): Matutino DIARIO ta sigui cu un serie di conversacion cu Giovanni Arendsz, un candidato politico cu a bin como sorpresa pa hopi. Giovanni ta un persona hopi dinamico y conoci den comunidad deportivo y awor un cadidato politico hopi comenta y gusta den e pueblo di Aruba apareciendo como candidato number 26 ariba e lista di AVP.

Giovanni Arendsz ta un atleta bon conoci na Aruba e internacionalmente. E e prome atleta Arubiano cu a logra drenta e profesional league den e sport di bodybuilding. E bida cu el a hiba desde cu el a dicidi di bira un atleta profesional, a hacie consciente di e importancia di practica deporte pa tin un bida saludabel. Nos a compronde cu ejercicio na trabao ta un di e partinan crucial di e vision di Giovanni pa yega na un comunidad saludabel.

Un parti importante di e meta di Giovanni Arendsz ta pa logra crea un manejo unda cu companianan ta promove ejercicio durante por lo menos mey ora na trabao.

Ejercicio di trabao ta forma un parti di e programa di gobernacion di AVP 2017-2021?

Sigur cu si.

“Esaki ta algo cu mi ta haya mester a worde inclui den e Programa di Partido pa despues worde ehecuta den Plan di Maneho unabes cu nos ta den Gobierno”.

Kico exactamente bo kiermeen cu ejercicio na trabao?

Ehercicio ta masha importante. Pero hopi hende no ta sinti nan mes incentiva pa practica esaki y e consecuencianan di un bida pacifico ta haci cu e curpa ta sinti e efectonan mas tempran cu laat. Pa cuminsa motiva nos ciudadanonan, mi a propone na partido AVP pa haci ehercicio na trabao bira algo oficial. Introduci ejercicio na trabao kiermeen cu “e doño di trabao ta duna su empleado 30 minuut durante horario di trabao pa e empleado haci ejercicio”

Bo ta compronde cu esaki ta trece e pregunta di biaha di con e doño di trabao mester regala e empledo 30 minuut pa e practica deporte?

Claro cu si, E lo ta imposible pa implementa e manejo aki si no tin beneficionan tambe di productividad pa e doño di trabao. Doñonan di trabao sigur lo sinti e efectonan positivo di tin empleadonan cu ta haci ehercicio of practica deporte. Giovanni ta indica cu internacionalmente esaki ta algo cu ta dunando su frutanan.

“Companianan internacional manera Google ta haci pa algun aña caba”.

Bo ta bisa cu internacionalmente ejercicio na trabao ta un hecho y cu e ta dunando su frutanan. Con bo por back up e claim aki?

Google ta un di e hopi companianan grandi internacional cu ta haciendo esaki pa algun aña caba. Manera bo sa Google ta un di e companianan mas inovativo na mundo cu mayoria biaha ta na e top di e lista di e companianan cu ta aplica ideanan inovativo y asina probechando hopi prome cu otro di e bentahanan cu esaki nan ta trece. Den e parti aki Google no haci excepcion pa beneficia di e productividad laboral extra cu esaki ta trece cune.

Den region tambe nos por a constatata cu e corant “El Colombiano” a bay asina leeuw di instala full un gym den nan edificio pa nan empleadonan. Esaki a duna e corant un nivel di produccion laboral di casi 100% henter aña. Tin otro companianan cu ta bay asina leeuw di paga nan empleadonan pa nan haci ejercicio. E dunandornan aki di trabao ta haci esaki pasobra nan ta waak e beneficio di productividad pa nan compania. Recientemente mi por a mira cu un compania hotelero inovativo na Aruba tambe a cumisa introduci e concepto aki pa su empleadonan.

Con bo ta waak cu ejercicio na trabao mester worde implementa?

E no mester ta algo luhoso cu ekiponan mes sofistica cu tin den un gym. Un compania por cuminsa cu materialnan y ehercicionan facil y a lo largo sigui crece. Cuminsando cu 3 vez pa siman. Sin embargo mi mester bisa di biaha aserka cu haci ehercicio 3 bes pa siman durante 30 minuut no ta suficiente. Pero por cuminsa cu esey y subie cu tempo na 5 biaha pa siman. No solamente ejercicio ta importante tambe mester percura cu e mobilario cu ta usa pa cumpli cu trabao tambe ta esun adecuado. Tur esaki ta contrbui na un empleado mas saludabel, contento y productivo a lo largo.

Giovanni ta termina bisando cu:

“Mi ta kere cu e regalo mas grandi cu bo por duna bo mes y bo famia ta di mantene bo mes saludabel”

Den nos proximo entrevista nos lo toca e topico especifico di e beneficionan cu e manejo aki ta trece c une pa e emlpeado y pa e dunador di trabao.

 

- Advertisement -

DUNA COMENTARIO

Please enter your comment!
Please enter your name here