Home Social Duro golpi di Horcan Irma riba sectornan agricola y cria na Cuba

Duro golpi di Horcan Irma riba sectornan agricola y cria na Cuba

22
0
SHARE
- Advertisement -

Di malo pa peor:

ORANJESTAD (AAN) – Manera Matutino DIARIO a publica den nos edicion di Dialuna, residentenan Cubano na Aruba a mustra nan preocupacion tocante e efectonan severo di Horcan Irma riba Havana y Matansas.

Informacion difundi den medionan di prensa internacional, por ehemplo noticieronan den television, ta mustra imagennan enberdad tristo, di e dañonan sufri pa Cuba su areanan di agricultura y ganaderia.

Un situacion cu un medio di difusion di Cuba mes, manera “Juventud Rebelde” ta califica di “malo pa peor”.

Tur esaki ademas di e dañonan den diferente vivienda. Holguin y Las Tunas ta dos di e ciudadnan mas afecta encuanto e sector agricola y di cria, mescos cu Camaguey, Ciego Avila, Sancti Spiritus y Villa Clara y mas tanto pa loke ta concerni cria di porco y avicola.

Den teritorionan agricola a perde alomenos 9 mil hectarea di banana, un cultivo cu ta cubri e di cinco parti di e produccion agricola di e pais cu ta nifica 50% di e produccion di cuminda.

Un di e medidanan cu lo wordo brinda pa gobierno ta palo y carbon na 441 centro di preparacion colectivo di alimento den e zonanan di mas afecta, percura pa aumenta e disponibilidad di materia organico pa garantiza cultivonan den un ciclo cortico, recupera e huertonan den 100% y e sistemanan “organoponico” asocia na e programa di agricultura urbano. Asina a cuminza traha mesora pa organiza e produccion di lechi, webo y carni y den e almacenahe di awa pa cubri alomenos 43% di e capacidad.

 

- Advertisement -

DUNA COMENTARIO

Please enter your comment!
Please enter your name here