Home Salud E aña aki no por haci cambio di dokter di cas

E aña aki no por haci cambio di dokter di cas

58
0
SHARE
- Advertisement -

Luna di september:

ORANJESTAD(AAN)—- Den transcurso di e añanan, AZV a haci diferente cambio pa mehora su servicio na cliente. Esaki a resulta den diferente proyecto positivo unda por a yuda e asegurado por ehempel pa renoba su carchi di AZV.

Otro servicio cu a introduci tabata e dos periodonan den aña cu por haci cambio di dokter di cas pa asina facilita tanto e asegurado como e dokter di cas por ehempel pa tin miho bista riba su cantidad di aseguradonan / pashentnan. E dos periodo den aña pa haci cambio di dokter di cas ta luna di maart y september. Sin embargo, e aña aki (periodo di september) AZV lastima ta cu mester informa su aseguradonan cu no tin luga pa haci cambio di dokter di cas.

Diferente factor

Diferente factor a resulta den e situacion aki, por ehempel den transcurso di e añanan tabata tin cambio den e grandura di e practica di e dokternan di cas. Un desaroyo positivo pa motibo cu kier a mantene un bon calidad di cuido y servicio. Esaki a nifica cu mester a adapta e grandura di e practicanan (praktijkgrootte), es decir mester a adapta e cantidad di asegurado (pashent) cu por inscribi na un dokter di cas.

Otro factor cu a resulta den e situacion aki ta e hecho cu AZV no por a premira cu algun dokter di cas lo bandona Aruba inespera. Concecuentemente, AZV mester a traspasa algun aseguradonan pa dokternan di cas exsistente of pa dokternan di cas nobo.

Solucion

Buscando un solucion, AZV entre tanto a expande e cantidad di luga disponibel pa e “huisartsenspecialisatie traject” hunto cu Vrije Universiteit (Amsterdam) aki na Aruba. E ta un specialisacion pa studiantenan cu kier specialisa y gradua como dokter di cas. Actualmente tin 9 persona dentro di e trayecto aki. E bon noticia ta cu esaki lo resulta den 3 dokter di cas nobo den 2018 y despues den 2019 y asina lo sigui.

Prioridad

E resto di e aña aki, AZV ta duna prioridad na e aseguradonan nobo pa nan haya un luga cerca e actual dokternan di cas. Por ehempel esnan cu ta inscribi pa prome biaha na AZV of recien naci. Concecuentemente e ta nifica pa AZV cu den 2018 AZV lo brinda tur otro asegurado e cambio di dokter di cas bek.

- Advertisement -

DUNA COMENTARIO

Please enter your comment!
Please enter your name here