Home Labor E ley di ordenansa electoral ta hopi bieu

E ley di ordenansa electoral ta hopi bieu

27
0
SHARE
- Advertisement -

Segun Hurista Kock:

ORANJESTAD    (AAN): E ley aki ta uno hopi bieu, segun hurista di Departamento di Labor Gwendy Kock. E ordenansa electoral ta un ley cu Censo ta traha hopi cun’e, pero e ta hopi bieu. Tempo cu a drenta Status Aparte, a trec’e for di Antias. Pero e no ta un ley cu necesariamente cu mester por haya cambio. E ta regla derechonan cu ta asina aceptabel den nos comunidad cu no ta necesario.

E ta un ley di Censo, Departamento di Labor ta toca e partinan di articulo 39 y 40 di e ordenansa electoral cu ta bisa ki ora e stemlocalnan mag di ta habri y cu den 40 ta para e obligacion di e doño di trabao pa duna e trahado, si e ta trahando e dia eynan full time y no tin su cuater oranan pa bay vota, pa dun’e pa asina e por eherce su derecho.

Esaki ta un ley cu Censo ta traha y hopi cun’e. E pregunta ki ora un trahado tin e derecho di voto. Cu e mester ta Hulandes, 18 aña, inscribi na Censo. Nan mas tanto ta traha cu e ley aki. Departamento di Labor ta salbaguardia e derecho di e trahado pa e no wordo perhudica den su derecho di voto.

Esnan cu mester di informacion por bel libremente na nan departamento di labor y puntra pa nan hurista sra. Gwendy Kock, kende ta esun cu a prepara un comunicado di prensa. Semper lo tin casonan cu ta duda un tiki.

Awo a papia di casonan cu ta hopi cla, trahadonan cu ta traha full time y mester di su cuater ora. Of un trahado cu ta traha full time, pero e ta resta cuater ora pa toch haci uzo di su derecho. Pero tin biaha e ta un tiki dudoso. Ta bon cu si bo ta duda ainda, pa yama Departamento di Labor. E contact persoon den e caso aki ta sra. Gwendy Kock, kende ta hurista pa e departamento.

 

 

- Advertisement -

DUNA COMENTARIO

Please enter your comment!
Please enter your name here