Home Politica “E motibo cu Santa Cruz ta cu AVP no ta un secreto”

“E motibo cu Santa Cruz ta cu AVP no ta un secreto”

26
0
SHARE
- Advertisement -

Mike Eman, lider di AVP

ORANJESTAD – Reflexionando riba e parada masal cu Partido di Pueblo Arubano (AVP) a conoce diadomingo, lider di Partido Mike Eman a resalta e momento cu a pasa dor di e caminda principal di Santa Cruz. E biaha aki tabata diferente, Eman a baha di auto y cana cuminda sostenedornan di partido berde para cant’i caminda. E diferencia aki e lider di AVP ta credita na e hecho cu habitantenan di Santa Cruz tambe ta mira con un Gobierno di AVP ta traha pa pueblo y haci cosnan cu te hasta nan partido di custumber nunca a haci.

Basa riba e fanatismo di partido geel, cu tin biaha sa bira poco violento, Mike Eman a bisa cu normalmente un parada di AVP ta percura pa pasa toch, pero cu un cierto rapides pa no proboca ningun hende pasobra su partido ta consciente cu tin hendenan di opinion distinto y AVP no tey pa proboca. Sin embargo diadomingo ultimo, e lider politico a sinti cu e ambiente tabata bon suficiente y a baha for di auto pa cuminda sostenedornan di AVP, tur bisti na berde, para ambos banda di caminda.

Como un districto di cual su poblacion ta 90% deboto Catolico, e Santa Crucero ta conoci pa gusta bishita misa tur diadomingo, pa Pasco y Aña Nobo, pa Ricibimento, etc. Politiconan di partido geel tambe, pero asina mes nunca a move un dede pa planta un mata of pone un piedra. “E debotonan, e parokianonan ta wak esey toch?,” Eman ta expresa. “Mi no tin nodi di bay den discusion cu Sra. Eveline Wever-Croes riba si a haci of lag’i haci, pasobra no tin discusion. Ta bisto loke tin awo na Santa Cruz.

Ora nan wak pabou ta haya un Colegio San Antonio completamente renoba y amplia, wak panort y nan por wak un MFA ta bayendo halto banda di oficina unda ta entrega rijbewijs. Ora cu Eman ta cana den barionan di Santa Cruz manera Sabanilla Abou y Santa Lucia, esaki ta barionan neglisha durante añanan y cu awo a haya iluminacion y asfalt. Na Coba Lodo y Angochi por papia cu ekipo di Arsenal cu ta e curason di Sta. Cruz y haya sa con pa añanan nan a sostene partido MEP, pero a keda ta warda un yudansa of atencion.

Eman personalmente a bay eynan y yuda nan drecha nan clubhuis durante añanan cu no tabatin eleccion; a yuda nan traha tribuna riba su diasabra liber y a traha hunto cu famia Morillo y tur esnan cu ta traha duro pa ekipo di Arsenal/Caravel. Asina a lanta bek e luznan di Arikok. Ainda e diasabra prome cu e parada a scop e prome bala riba e mini cancha di futbol cu yerba artificial. Esaki ta un facilidad cu esnan di Angochi a drumi soña di por conta cu un adelanto asina pa e muchanan di nan bicindario y di Santa Cruz, cu awo a bira realidad.

“Loke tur hende para cant’i caminda na Sta. Cruz sa ta un caminda cu nunca a haya luz of asfalt ta esun di Cas Ariba pa Urataka y awo si nan a haya asfalt. E caminda di Mond’i Fierno pa Sabana cu hopi famia di Sta. Cruz ta transita, pero pa añanan largo a wordo  laga den deterioro, tambe a wordo drecha. “Hopi di nan tabata sostene MEP, pero diadomingo nan a brasami y bisami ‘Danki’, ‘Sigui cu e Trabou Aki’. Nan a bisami cu no ta importa si den pasado tabata cu MEP, cu MEP no ta e partido di Betico Croes mas y MEP no tin curason pa e pueblo,” asina Eman a conta.

Tur hende na Santa Cruz ta ripara cu e capital cu tin tras di MEP ta unicamente personanan cu tin un interes pa locual nan tabata custumbra di haya durante ocho aña di gobernacion di MEP.

- Advertisement -

DUNA COMENTARIO

Please enter your comment!
Please enter your name here