Home Labor E suma di 1.5 miyon pa prome 32 ex-trahador di Setar a...

E suma di 1.5 miyon pa prome 32 ex-trahador di Setar a transferi desde 3 di Augustus caba pa abogado

7
0
SHARE
- Advertisement -

ORANJESTAD(AAN): Den e dianan aki tin henter un confusion relaciona cu algun miyon cu un grupo di ex trahado di SETAR mester haya. Aparentemente tin un desunion interno den un grupito cu lo ta esnan cu kier encarga nan mes di e reparticion di e placa.

Nan a trece algun expresion afo, cu a causa manera un iritacion mey mey di esnan cu ta wardando riba e placa y dunando algun informacion cu no ta corecto.

Nan ta bisa cu Gobierno no a paga e placa di e pensionadonan. Parlamento y Conseho di ministronan a duna aprobacion pa e placa aki a sali.

Minister Richard Arends a splica cu for di dia 28 di Juni, Parlamento a duna Gobierno autorisacion pa efectua pago na e dos grupo di ex empleadonan di SETAR, un suma total di 4 miyon di Florin. Algun dia despues, ya 3 di Juli, departamento di Financien y Directie Wetgeving a sinta cu representante di e gruponan aki y a palabra cu dia 31 di Juli, ta e deadline pa efectua e pagonan.

For di dia 3 di Juli, cu hopi dificultad a haya informacion di e representante di e ex empleadonan y, segun e Minister, ta indica cu nan mes kier a percura cu e reparticion di placa y esey pa e Minister, no ta aceptabel.

Land Aruba tin un obligacion cu e ex empleadonan aki. E werkgroepnan tey pa facilita e proceso. Fecha di dia 31 di Juli a yega. No a ricibi informacion. Tambe tabata tin un disputa si nan kier sigui cu e abogado, si of no. Te dia di awe no a ricibi nada por escrito cu e abogado ta desisti di representa e prome grupo, e 32 ex empleadonan, ni tampoco cu tur e 32 personanan aki, a manda algo por escrito cu nan ta desisti di worde representa legalmente door di señora Ecury, kende ta nan abogado.

Dia 4 di Augustus, bao di conseho di Directie Wetgeving, a tuma e decision pa transferi e suma di 1.5 miyon riba e cuentanan di abogado Ecury, kende ta representante legal di e prome grupo, di 32 ex empleadonan di Setar.

Mientras tanto, for di dia 3 di Juli, cu ta prome biaha cu a sinta cu nan, te siman pasa, dia 22 di Augustus, a ricibi un lista preliminar di nomber di e di dos grupo. Ainda no a logra suministra Gobierno cu e nombernan, cual e minister ta haya hopi lamentable, pasobra ta casi 2 luna a pasa, y ta crea e impresion eyfo cu ta Gobierno ta esun cu ta tardando, cual no ta e caso.

Ta wardando, manera cu a palabra, e representantenan di e werkgroep, lo entrega e nombernan di e ex empleadonan. Tambe cu e suma cu Gobierno debe e ex empleadonan aki. E di dos grupo ta un suma di 2.5 miyon. Cada un cu diferente suma. Ta wardando ainda pa atrobe haya confirmacion cu e ex empleadonan ta di acuerdo cu su suma y cu e ta duna nomber y informacion corecto.

Tur e nombernan aki tin cu bay di acuerdo cu ley, tin cu bay den un landsbesluit pa e ora directie financien por bay over na pago.

Esey ta inclui tambe e herederonan di esnan cu desafortunadamente ya caba a fayece.

 

- Advertisement -

DUNA COMENTARIO

Please enter your comment!
Please enter your name here