Home General Enfoke durante “Prinsjesdag” riba e outfit inusual di esposa di Ministro Plenipotenciario...

Enfoke durante “Prinsjesdag” riba e outfit inusual di esposa di Ministro Plenipotenciario di Aruba

207
0
SHARE
- Advertisement -

Asina ta pidi atencion pa metanan sostenibel den contexto di Reino Hulandes

ORANJESTAD (AAN): Cumpliendo cu tradicion, riba e di tres Diamars di September ta celebra Prinsjesdag na Den Haag.

Riba e dia aki Gobieno Hulandes ta presenta su presupuesto na Tweede Kamer, despues cu Rey Willem-Alexander a tene su discurso den e impresionante ‘Ridderzaal’.

Mirando cu Prinsjesdag ta e evento di mas importante durante e aña parlamentario na Hulanda, esposa di Minister Plenipotenciario, señora Amy Yrausquin-Roos, a puntra e talentoso diseñadora Nathaly Vlaun pa diseña un outfit special.

Vlaun, kende ta un hoben Arubano cu a gradua e aña aki na e prestigioso academia di arte ‘Rietveld’ na Amsetradm, a traha un diseño a base di elemento recycla & reusabel.

Un otro motibo importante p’e escohencia di un creacion similar ta pa enfoca riba e lazonan den Reino, cu actualmente ta mas fuerte cu nunca. No solamente Aruba a prueba di ta un partner valioso den Reino, pero Aruba tambe tin un balor agrega pa Reino Hulandes. Un manera perfecto pa fortifica e lasonan cu otro nacionan y den nos Reino en particular, ta mediante “Diplomacia Cultural”.

Durante hopi misionnan internacional ta nota cu intercambio cultural ta forma un parti esencial di e programa. “Moda”, como un berdadero expresion artistico, tambe ta contribui na e acercamiento cultural aki.

Diseñadora Nathaly Vlaun a crea un bisti cu lo por ser cualifica como ‘Dutch Caribbean Design’, cu referencia na nos cultura & naturalesa, como tambe n’e filosofia di recyclahe y elemento reusabel. Den su diseño, Vlaun a incorpora nos Fofoti & cadushi, ora di bahada di solo. E “mosaico Caribense” aki a ser crea cu diferente pida tela di otro paña bieu, cumpliendo asina cu e filosofia di ‘sustainable fashion design’ & e Sustainable Development Goals di Nacionnan Uni.

Mediante e cobertura di Prinsjesdag tambe kier duna nos talentonan Arubiano e plataforma pa por profila nan mes grandemente. Ta spera cu e carera artistico di diseñadora Vlaun ta destacante & cu e por conoce hopi exito.

- Advertisement -

DUNA COMENTARIO

Please enter your comment!
Please enter your name here