Home Politica Evelyn Wever-Croes ta bay bira Prome Ministro femenino di Aruba

Evelyn Wever-Croes ta bay bira Prome Ministro femenino di Aruba

2810
0
SHARE
- Advertisement -

MEP ta habri pa traha cu tur partido cu excepcion di AVP

ORANJESTAD (AAN): Aruba ta casi full geel.  Den eleccion 2017, votadornan a dicidi na amplia nan sosten na unforma unda na casi tur urna electoral, nan a crece.

Lider di MEP, Evelyn Wever-Croes a relata cu e ta hopi satisfecho cu e resultado.  Prome conclusion ta cu MEP a bay dilanti cu 2 asiento, y nan ta e partido cu a bay mas dilanti den voto.

AVP a bay atras y perde hopi, tog a keda como e partido cu mas votador.  Na opinion di Wever-Croes, esaki ta demostra cu Aruba a rechaza nan mal maneho y corupcion cu AVP ta envolvi aden.

Semper Evelyn Wever-Croes tabata cauteloso cu e cantidad di asiento cu nan kier haya, y MEP tog semper tin e speranza di por haya full e sosten pa goberna nan so.

MEP ta mira cu AVP ta bay sufri di perde 4 asiento, esey caba ta un castigo severo.  Nan a mira cu RED a bay dilanti cu 1 asiento y pesey ta felicita Ricardo Croes.  Pa partido POR, cu te ainda ta 1 asiento a bay dilanti, y ta felicita nan cu a redobla loke PDR tabatin.  E demas partidonan a haci nan best, pero ta parce cu no ta make it.  Esaki ta mas o menos e resultado.

Evelyn Wever-Croes ta manda felicita Aruba, cu a manda un señal cla y raspa cu ta basta cu corupcion y bagamunderia den gobernacion.  Awor un tarea grandi pa wak con nan ta forma coalicion.

Como cu AVP tog tin mas votador, kizas ta Mike Eman ta bira Informador.  MEP ta habri pa traha cu tur partido, cu excepcion di Partido AVP.  Tog Mike Eman ta prome yama pa negocia un coalicion.  Si acaso e no logra, e ora MEP lo busca forma pa forma un Gobierno di coalicion.

Sinembargo na momento cu Mike Eman di AVP a revela cu nan ta bayendo oposicion, y cu e mes ta bay retira di parlamento, ta habri caminda mesora pa Partido MEP mes hunto cu Partido POR forma Gobierno nobo.  Y Evelyn Wever-Croes lo por bira e prome dama cu ta ocupa e puesto di Prome Ministro di Aruba.

 

- Advertisement -

DUNA COMENTARIO

Please enter your comment!
Please enter your name here