Home Cultura Ex-presidente di Panama Martin Torrijos: “E proximo hito cu no mester warda”

Ex-presidente di Panama Martin Torrijos: “E proximo hito cu no mester warda”

26
0
SHARE
- Advertisement -

Den celebracion 40 aniversario Tratadonan Torrijos-Carter

ORANJESTAD (AAN) — Cu cooperacion di Fundacion Omar Torrijos Carter, Matutino DIARIO a ricibi e discurso di ex-presidente Lic.Martin Torrijos Espino y Presidente di e Directiva di FOTH.

“E Tratadonan Torrijos-Carter ta constitui un hito singular den nos historia. Ora a firma dia 7 september 1977, a cristaliza un epopeya nacional sostene door di tur e generacionnan di siglo XX. Ainda tabata falta 23 aña pa alcanza e cima; pero den tempo e nacionnan ta constitui un transcuri rapido, manera en efecto a pasa y nos ta ya na cuater decada di e dia ey asina trascendental.

General Omar Torrijos a lidera e etapa crucial di e negociacionnan, convocando e nacion alrededor di su maxima aspiracion: supera e condicion colonial, concreta e desaparicion di e Zona di e Canal, eherce e soberania teritorial plenoy completo y, cu esey, e entrega di e canal cu a nifica e fin di e ocupacion militar.

Pesey, su aporte na e construccion nacional ta situe como e Estadista cu mayor transcendencia cu e pais aki a duna y cu a sa di avanza hunto cu su pueblo den direccion di e obhetivo strategico y door di un via di entendimento inedito y sin concesionnan cu lo a lesiona e integridad di e pais.

Cu e cumplimento di e tratadonan na 1999, a logra e solucion politico di e diferencianan entre un nacion chikito y un gran potencia mundial; y na mesun tempo, beneficionan tangible a wordo produci, na unda e economia nacional ta cobra otro dimension y pa prome biaha ta habri e posibilidad pa nos converti nos mes den actornan di prome linea den e comercio maritimo mundial y probecha e oportunidadnan nobo antes impensable pa Panama.

Den hopi poco aña, nos por a logra convoca di nobo e pais pa den otro ehercicio soberano autoriza e ampliacion di e Canal y, en efecto, construi e di tres set di esclusanan cu ta incrementa e beneficionan cu nos ta ricibi y ta asegura cu e ruta di Panama sigui ta competitivo y relevante den e mundo nobo aki cu ta consolidando.

Patria y bienestar ta conhuga den e camindanan transita aki. Ya nunca mas nos lo ta un colonia. Otro temponan, otro desafionan, otro metanan. Semper den e direccion historico corecto. Pesey, señala cu henter e nacion mester wordo beneficia door di e potencial cu a wordo conkista ta husto y mester wordo considera y consolida como parti di e lucha historico.Tambe ta berdad cu ya nos progreso no ta depende di soluciona algun situacion internacional adverso na Panama, sino cu exclusivamente e ta den nos mes, den nos man, den nos decisionnan, den nos propio capacidadnan politico pa yega di bira un Estado moderno, cu ta garantiza e planificacion, transparencia, oportunidadnan y mas importante: e derechonan di cada Panameño. Un pais na unda ta wordo reconoci e acumulacion historico cu e perspectivanan di un futuro cierto y speranzado. Un pais na unda ta wordo reconoci cu e pasado a habri paso na e futuro y no e pais unda e pasado ta conspira contra su futuro.

Awe nos tin motivo y razonnan pa conmemora e conkista cu a tabata y ta di nos tur. Sentimentonan legitimo di gratitud mester ennoblece nos, cu sentido di nacion, respet y reconocimento di e exitonan logra ora nos a sa di convoca nos. En efecto, cuarenta aña pasa Panama a engrandece, tabata tin luznan y nos por a construi un proyecto comun.

Nos a uni rond di un soño cu a base di sacrificio, perseverancia y inteligencia pronto a bira realidad.

E Tratadonan Torrijos-Carter cu e significado patriotico cu ta posee como un di e instrumentnan cu a permiti emancipa un pais, ta haci cu e canal y su beneficionan economico, ta pertenece pa pleno y total derecho na nos pueblo.

Recupera y amplia e Canal ya den siglo XXI, ta toca e actual generacion sigura e nacion un presente nobo y un futuro, cu ekidad, distribucion di rikeza, husticia, educacion di calidad y inversionnan cu ta yega na cada rincon di nos Panama, te cu nos eradica e pobreza y alcanza e desaroyo ekitativo y sustentable na cual nos tin derecho. Esaki ta e proximo hito, nos tin cu logre y no mester warda mas”.

- Advertisement -

DUNA COMENTARIO

Please enter your comment!
Please enter your name here