Home Salud Famia Planea lo bin cu hopi informacion durante e siman di anticonceptivo

Famia Planea lo bin cu hopi informacion durante e siman di anticonceptivo

26
0
SHARE
- Advertisement -

ORANJESTAD (AAN): Nos ta den un siman di anticonceptivo. Johnathan Trinidad, kende ta information education communication coordinator na Famia Planea Aruba, ta splica cu e siman aki ta un siman hopi interactivo y educativo no solamente na Aruba, pero tambe mundialmente, ya cu dia 26 di September a celebra dia Mundial di Anticonceptivo.

Esaki, ya caba a haci e di 10 aña cu mundialmente ta celebrando e dia aki, unda cu tin como meta pa por duna informacion na e comunidad, mas cu claro tocante metodonan anticonceptivo pero tambe pa engrandece e uzo y promocion tras di esaki.

Tambe Trinidad a splica cu e meta final ta pa tur hoben y adulto por tuma decisionnan corecto y informa ora ta trata nan salud sexual y reproductivo.

 

Con activo

E siman aki ta uno special, ya cu un biaha mas, mesun cos cu afo tin diferente parti di organisacionnan cu ta tuma luga tras di e dia aki, na Aruba ta percura pa e siman aki duna hopi informacion afo, no solamente nan pagina di Facebook, pero tambe percura pa nan ta riba caya, percura pa nan por brinda esaki corectamente na e hoben y adultonan.

Basicamente e ta pa Famia Planea un dia unda cu no solamente a para keto riba e celebracion di e dia, pero tambe riba e diferente metodonan anticonceptivo cu Famia Planea ta brinda na e comunidad aki cu ta entre otro cinco diferente metodo anticonceptivo cu ta ofrece, cu ta entre otro pa e dama, de pil, cual ta un pildo cu ta wordo bebi tur dia e mesun ora y cu e tin un funcion pa evita embaraso.

Apart di esey tin esun di inyeccion, cu tin di esun di tur luna, cu ta wordo inyecta tur luna riba e mesun fecha y tambe tin esun di cada pasa tres luna.

Finalmente tin spiral, pa esnan cu ta mama caba y tambe tin pa e hende homber condom. Tin condomnan di sabor y sin sabor y esaki e ora pa trece un combo completo na e comunidad, unda cu nan sa tambe cu Famia Planea ta ofrece esakinan. No ta tur ora afo of tambe na Aruba tur persona sa con Famia Planea ta traha, ki tipo di miembrecia tin y esey tambe ta importante pa trece dilanti cu ta hobennan bao di 21 aña di edad por bira miembro completamente grandi, cu nan carchi di AZV y nan lo ricibi e anticonceptivo desea.

Personanan riba 21 aña lo bira miembro pagando un inscripcion di 10 florin, un solo biaha y 35 florin pa full un aña di anticonceptivo. Ora ta trata spiral of inyeccion, ta importante pa nan por trece un receta di dokter, ya cu un biaha mas, cada un anticonceptivo cu un persona, ta conseha pa ta a base di nan estilo di bida of historia medico, cu un persona cuminsa un producto pa start.

Ta e salud sexual di cada humano, cu ta keda importante y pa esaki e celebracion aki, pa asina Famia Planea por brinda y ofrece hopi informacion full e siman aki, en conexion cu anticonceptivo.

 

Concientisacion

Mas hoben y adulto ta birando mas conciente, cu ta haci cu poco poco pero sigur, ta cumpliendo cu e vision di e siman aki, cu ta pa educa nos mucha, hoben y adultonan pa tuma decisionnan, informa y corecto ora ta trata nan salud sexual. Cu esey Trinidad kiermen cu e aspecto por mira e clientela ta bisando y esey ta duna indicacion cu poco poco, pero sigur e comunidad ta birando conciente cu nan salud sexual ta importante, pero nan tambe nan salud reproductivo.

Famia Planea ta contento di mira cu tin mas y mas cambio den comunidad, cu ta habriendo mas riba e topico di sexualidad y anticonceptivo, pero tambe kier sigui traha hopi duro pa asina por yega na hopi hoben mas, hopi adulto mas, cu por ta no tin e informacion corecto.

Dicon

Tin ora awendia nos ta haya hopi informacion riba internet y atrobe esaki tambe ta parti di e vision di e siman aki. Pa por concientisa e hoben y adulto pa ora ta trata di nan salud sexual y reproductivo, busca e informacion corecto. Pesey Famia Planea tambe tey, haci boso pregunta, contact nan via nan pagina di Facebook, yama nan, pero tambe tin e posibilidad di bishita nan y nan lo percura pa apart di ofrece y duna informacion di anticonceptivo, brinda den e caso aki e sosten y guia necesario cu cada un persona mester. Atrobe adapta na nan mesun gana di ki producto precies nan kier uza den futuro.

- Advertisement -

DUNA COMENTARIO

Please enter your comment!
Please enter your name here