Home Deporte Fedeveta a start play-off 40+ cu varios partido interesante

Fedeveta a start play-off 40+ cu varios partido interesante

88
0
SHARE
- Advertisement -

ORANJESTAD (AAN): Diasabra na e veld di Caiquetio yena cu fanatico, Fedeveta start e play-off 40+. E biaha aki a toca turno na Hooiberg Vets pa ta e organizador di e evento aki. A start precies 5:30 cu entrada di referee y hungadornan acompaña pa e bandera di Aruba. Ta toca himno pa apertura di e play-off y ta start  mes ora cu e number 4 di standing, e combinacion di Jong Aruba y United contra e number 5 di standing Bubali. Wega ta cuminsa bon balansa den un bunita hugada Carlos Villegas di Jong Aruba a anota e prome goal. Net prome cu half-time riba un descuido di e defensa Noel “Juni” Semerel a pasa piki e bala y a topa su so cu keeper y a empata e wega. Den di dos mitar Jung Aruba/United tin un leve dominio pero atrobe riba un descuido di e defensa juni Semerel a pasa piki y a logra pasa e keeper pa asina duna Bubali e victoria di 2 pa 1.

Di 2 partido a bay entre Nacional cu ta number 2 di standing contra number 7 cu ta SCA di Paradera. Aki por bisa cu Nacional a domina e partido y nan delantero peligroso Arcesio “Checho” Gonzales no a hasi wega y a anota 3 goal y asina duna Nacional e victoria medici.

E di 3 partido a bay entre e 2 rival grandi esta Dakota Dakota Starzz cu a caba number 1 di standing y Inter cu no ta den su mihor aña y a caba na di 8 lugar. Den play-off tur cos ta cuminsa di nobo y un wega ta dicidi si bo por bira campeon di 40+. Un wega cu bastante speed y sigur calidad halto unda tur dos a ataca constant y asina e wega a bay aden half-time 0-0. Ya tur hende a pensa esaki a caba na penalty, pero aki e hungador Jair Oduber di Dakota a zorg pa e unico goal di e partido y asina Dakota a avansa pa e semi-final.

E di 4 partido a bay entre e revelacion di 40+ esta Teachers United cu maneho nobo di Orlando y Wilmer a zorg pa varios hungador nobo, mayoria di descendiente peruano y casi full campeonato ta na number 1 di standing pero riba ultimo dia a perde di Dakota y a bira number 3. Nan a hunga contra un Caravel cu a caba na di 6 lugar. Aki e half-time a bay aden 0-0.  Den di 10 minuut di wega e delantero di Caravel Jamil Werleman a haya un chens y no a basila y a hasi e wega 1-0 pa Caravel. Net algo prome cu 12or di anochi den un hungador Rodolfo Casas di Caravel  a bula bay halto y ta haya un elleboog patras di su Cabes, el a haya un cap cu ta sangra y a cay malo y pa seguridad a prefera lage ey bow y yude cu ijs mientras a yama ambulance. Pa 12:30 wega a sigui, pero ya Teachers no por a hasi nada mas pa empata e wega y asina e wega a caba 1-0 pa Caravel.

Mester bisa cu Hooiberg Vets a zorg pa un play-off bon organiza riba un di e veld na mas gusta pa e weganan di veterano. E siguiente wega lo ta e semi final na unda Dakota Starzz lo topa Bubali y Nacional lo topa Caravel  pa dicidi ken ta bay hunga final di 40+ 2017.

Aruba completo ta invita pa otro diasabra 16 September riba veld di Caiquetio pa e semi-final 40+ di FEDEVETA.

- Advertisement -

DUNA COMENTARIO

Please enter your comment!
Please enter your name here