Home Labor For di 1 di September caba Dimas a introduci su sistema nobo

For di 1 di September caba Dimas a introduci su sistema nobo

64
0
SHARE
- Advertisement -

ORANJESTAD(AAN): Departamento di Dimas a introduci un sistema nobo. Esey ta loke Kathy Paskel, directora di Dimas a confirma.

El a splica cu entrante dia 1 di September, a tuma den uzo y implementa un sistema nobo cu yama Cerca, esey ta reemplasa nan sistema bieu Navas, cu a traha for di 1993 te cu awo.

Esey ta nifica cu nan ta den e fase awor aki di implementacion y pa saca tur locual cu tin cu worde drecha ainda di e sistema nobo pa asina continua siguientemente cu e sistema aki so. Tur locual cu a tuma te awor aki for di September, ta hinca den e sistema nobo y tur locual cu ta entrega prome cu September, lo sigui atende den e sistema bieu.

Ta pidi clientenan pasenshi tambe, pasobra nan ta bezig ta check y precheck e hendenan pa wak si tur cos ta ok. Despues ta scan tur documento. E intencion ta cu via di e sistema aki, lo gana eficiencia tambe y cu tempo na momento cu e ta draai full bon, esaki lo bay wak’e back den e termino cu ta trata. Solamente cu den e prome luna aki a mira tambe si cu e parti di entrega tabata tin su retonan cu ta bezig ta soluciona.

E parti di procesa e permisonan tambe ta bezig cun’e. Esaki ta tumando su tempo y pa e personal, e ta conta cu nan lo mester siña traha cu un sistema nobo, banda di e sistema bieu pa un periodo. Den futuro e lo nifica cu e cliente lo bay tin di haber mas cu Dimas, pasobra lo crea un portal unda cu lo por haci entrega digital. Ta algo cu ta bouwop den e lunanan cu ta bin.

Finalmente lo kier tambe cu e cliente ta haya contrario awor aki, un papel, e ta bay haya un carchi y e lo bay haya tur loke ta corespondencia entre Dimas y su persona, e lo haya digitalmente e beschikking firma na final. Ta importante pa bisa cu e fase aki, ta bay over y uza metodonan digital. Ta hopi importante pa duna atencion na personal pa loke ta e parti nobonan aki cu nan tin cu bay siña traha cun’e.

Di parti di e clientenan tambe ta spera cu mas y mas, nan lo haci uzo di facilidadnan cu ta duna nan, pa por haci un entrega na Dimas. E ta proyecto den desaroyo. E ta un proyecto financia pa FDA y ta contento cu por bay implimente y ta trahando duro riba soluciona tur locual cu ta canando menos bon den e prome luna di implementacion.

Cambionan:

E meta ta tambe cu awor aki ta midi nan mes na e seis siman pa procesa. No den tur caso ta haal e termino aki, pero esey ta e streven, conforme ley, tin un termino di 12×12 siman. Den e termino di ley, segun Paskel, nan ta full, pero ta kere cu por hisa e calidad y gana eficiencia door di haci cierto cambionan interno y esey ta bezig cun’e y ta duna atencion continuo na esaki.

Locual cu ta e permisonan cu ta dura un tiki mas y/of a haya negacion y ta den proceso di bezwaar, a haya un refuerso den e ultimo luna aki tambe di Balance Holding, cu a bin pa trek full e proyecto di locual cu ta apelacionnan entrega y den nan team, hunto cu trahadonan di Dimas mes y algun stagiaire, ta bezig ta check na LAR, tambe na minister di stukkennan pega, pone tur cos hunto y pa wak cuanan ta esunnan cu lo por haya un revision.

No den tur caso cu haci un apelacion lo tin motibonan valido pa revisa, pero si tin motibo valido den e proceso, lo honra esakinan.

- Advertisement -

DUNA COMENTARIO

Please enter your comment!
Please enter your name here