FTA ta di opinion cu aumento di salario minimo ta importante

    52
    0
    SHARE
    - Advertisement -

    ORANJESTAD (AAN): Por a mira cu SER no ta mucho voor pa e cambio pa loke ta salario minimo. Hubert Dirksz, presidente di FTA a splica cu nan ta compronde cu di parti di Gobierno a dicidi pa introduci e aumento di salario minimo.

    Aumento di salario minimo semper ta bon bini. Maske cu na unda cu tin sindicato, tin contractnan colectivo cu ta permiti cu e salario mas abao ta mas halto cu e salario minimo. Sin duda aumento di salario minimo, lo yuda pa esnan di salario mas abao por haya un aumento.

    Sa cu esaki lo tin su efecto di e cadena cu esun mas abao subi, automaticamente cada un ariba, ta sigui bay mas ariba. Tin exigencianan. Pero na cierto momento ta puntonan cu mester wordo discuti, criterianan, con ta yega na un aumento. Sigur pa loke ta den e caso di criterianan pa aumento di salario minimo, ta compronde cu esey ta basa riba e desaroyo economico, e desaroyo di inflacion.

    Na Aruba ta kere cu mester haci cambio den ley, of sigur, mester revisa e ley di aumento di salario minimo, pa wak tambe e parti social. Tin biaha e parti di aumento di inflacion cu e desaroyo economico, no ta suficiente pa midi e necesidad kico esnan di menos recurso mester pa nan por sobrevivi.

    Sa cu tin un bestandsminimum cu ta hopi mas halto cu salario minimo. Pesey mes ta kere cu mester tin un revision di e ley pa asina ey por duna miho criteria pa aumenta salario minimo. E punto cu ta bin dilanti si, ta dicon Gobierno ta haci esaki awor aki na Augustus, mientras cu den mayoria caso e ta wordo haci na Januari, Dirksz a splica.

    Tin di compronde tambe cu e asunto aki a wordo atendi den Januari. Di parti di SER ta menciona cu e no a wordo atendi na un manera legal, esta cu Gobierno no a cumpli manera mester ta. E ta un discusion. Esey no ta nifica cu no tin necesidad pa aumento di salario minimo. Si tin necesidad, solamente e manera cu el a bay y e criterianan cu a wordo uza, mester ta miho, segun Dirksz.

    Y sigur FTA ta desea pa esaki tuma luga den un bon colaboracion, deliberacion entre partidonan. Tin di compronde cu e dunado di trabao a keda hopi mal contento cu esaki, pasobra lo tin impacto riba dje y tampoco esaki a wordo discuti debidamente, caminda cu dunado di trabao por tabata tin su opinion riba esaki.

    FTA ta di opinion cu aumento di salario minimo ta importante. Solamente manera cu el a bay ta keda un punto pa discuti.

     

    - Advertisement -

    DUNA COMENTARIO

    Please enter your comment!
    Please enter your name here