Home Gobierno Gobernador a nombra mr. Arie Swaen mes como Informador

Gobernador a nombra mr. Arie Swaen mes como Informador

359
0
SHARE
- Advertisement -

Deseo pa Gobierno nobo laga un instancia neutral internacional investiga e estado financiero di Aruba

ORANJESTAD (AAN): Diabierna 22 di September, e eleccion pa Parlamento di Aruba a tuma lugar.  Riba Diaranzon 27 di September, e resultadonan definitivo di e eleccion a ser stipula door di Conseho Elecoral.

E resultado di asiento ta AVP cu 9 asiento, MEP cu 9 asiento, POR cu 2 asiento, y RED cu 1 asiento.  E demas partidonan, RAIZ, PPA/UPP, CURPA, y MAS no a haya asiento.

A base di e resultado aki, Gobernador riba Diasabra 23 di September a ricibi Presidente Glenn Thodé di Conseho Electoral, y di e momento ey Gobernador a cuminza cu e proceso di formacion di un Gobierno nobo.

E fasenan di consulta a socede riba Dialuna 25, Diamars 26, y Diaranzon 27 di September cu Presidente di Staten, presidente di Raad van Advies, Premier Demisionario, lidernan di demas partidonan politico, President di Banco Central, Directronan di APFA, AZV, SVb, DRH, y Directie Financien, presidentenan di SER, ATIA, KvK, cu Mediador di Gobierno, y cu ex-Gobernador Refunjol.

E siguiente fase den e proceso ta pa otorga e asignacion di informacion na un Informador.  Contrario na un Formador, un Informador no tin e tarea pa forma un Gobierno, pero ta haya e tarea pa sondea e posibilidad di haya variantenan di constelacion di un Gobierno nobo, of e eventual prioridadnan y tema di maneho pa un Gobierno nobo a base di e resultado di eleccion.

Riba Diahuebs 28 di September, Gobernador a tene un combersacion cu mr. Jacobus Andries (Arie) Swaen y a haci peticion pa e bira Informador.  Señor Swaen a acepta e tarea pa bira Informador.

Riba Diabierna 29 di September, señor Arie Swaen a ricibi e tarea di Informador formalmente for di man di Gobernador, y a cuminza cu su trabao caba.  E informador lo haya sosten di un secretario, kende a bira mr. dr. Hellen A. van der Wal BA.

E Informador lo eherce su tarea completamente independiente, cumpliendo cu e tarea di Informacion y ta bay mantene Gobernador na altura riba cierto horario, di e adelanto di su trabao.  E relato final di e tarea di informacion lo wordo duna na Gobernador.  Ta ser calcula cu e prome rapport intermedio lo wordo duna fin di siman venidero.

E tarea di Informacion ricibi di Gobernador, ta encera pa haci un investigacion pa cu formamento di un Gobierno di acuerdo cu e siguiente tareanan:

A constata cu for di e rondanan di consulta algun topico importante di prioridad ta haya atencion, esta:

(*) Sigura un finanza publico sostenible y sana y e necesidad di reduci e debe publico, refinancia of no.

(*) Aumento autonomo di e costonan social y di cuido debi na envehecimento y e aumento di malesanan cronico.

(*) Ta logra paga pensiunnan awor y den futuro.

(*) Un sociedad viable, sigur y sostenible basa riba standard y balornan.

(*) Fortalecimento di e organonan di supervision y control.

(*) Eliminacion di burocracia ‘red tape’ pa empresario y ciudadanonan.

(*) E introduccion y siguranza di un gobierno transparente y ‘good governance’.

Considerando cu den corto plazo, Aruba lo bay tuma un serie di decision importante pa mantene un economia y un sociedad sostenible, y por keda un economia y comunidad resistente, e ta suplica Informador pa:

(*) Investiga e posibilidadnan di desaroya na corto plazo un Gobierno stabil forma riba e base mas amplio posible na Aruba.

(*) Hiba un investigacion riba e deseo di un investigacion independiente door di un of mas organizacion internacional neutral riba e estado di Aruba den area financiero y area di ‘good governance’ pa evita cu e opcionnan y medidanan necesario ta wordo hinca cu tono politico.

E potretnan aki pa cortesia di Kabinet di Gobernador.

- Advertisement -

DUNA COMENTARIO

Please enter your comment!
Please enter your name here