Home Remitido Habitantenan di Wayaca, Santa Martha y Sero Biento ta rabia

Habitantenan di Wayaca, Santa Martha y Sero Biento ta rabia

54
0
SHARE
- Advertisement -

Remitido

Habitantenan di Wayaca, Primavera, Santa Martha y Sero Biento ta sumamente desapunta den TUR e ultimo gobiernonan. Un pa un a pasa bishita y priminti cu nan lo bai asfalta e caminda cu ta conecta Wayaca cu Santa Martha y Sero Biento. Pero te awe nada di asfalt y e caminda ta sigui ta malisimo cu buraco y stof tur dia.

Cada biaha D.O.W. ta wordo instrui pa mantene habitante tranquilo bisando cu: “e ta den e master plan”. Y D.O.W. ta sigui raspa y basha santo pa sigui daña salud di habitante cu tin cu soporta e stof tur dia.

E caminda ta wordo usa pa masha hopi usuario incluyendo servicio di Ambulans, Polis y mes un dirigente nan di DOW pa yega mas lihe na nan trabou of un accident. Awor durante campaña por wak cu Tur caminda ta basha asfalt, hasta tin caya cu no tin salida (dood lopend) ta haya asfalt y cu apenas tin 10 auto pa dia ta pasa riba nan.
Habitantenan no ta contra pa e hecho cu cierto area ta haya asfalt pero si ta cuestiona cu ki prioridad gobierno y DOW ta midi na unda y ken ta haya asfalt.

Awor e caminda ta wordo usa mas hopi ainda paso ora nan sera e rotonde di airport ta aki e trafico tin cu dirigi su mes pa yega pariba. Habitantenan ta fada di tanto promesa bashi y ta exigi cu mas pronto posibel e caminda principal entre Wayaca, Santa Martha y Sero Biento wordo suministra cu su capa di asfalt.
Nomber y adres conoci na redaccion

 

- Advertisement -

DUNA COMENTARIO

Please enter your comment!
Please enter your name here