Home General Hopi persona a bay despedi na entiero di Mervin Marcel Tromp

Hopi persona a bay despedi na entiero di Mervin Marcel Tromp

184
0
SHARE
- Advertisement -

ORANJESTAD (AAN)—Dialuna mainta ya den oranan trempan, por a mira basta movicion ariba camindanan di Aruba, cu personan manehando un of otro tipo di Motorcycle, entre nan basta harley Davidson.

Tur esaki, tabata e amigonan di Mervin Tromp, miho conoci como Chai, cu tabata na caminda pa Funeraria Aurora, pa asina duna e ultimo adios na Chai. Tabata un dia cu hopi calor y asina mes, nada di sey a stroba e amigonan di Chai cu por a haya liber pa compana nan amigo Chai, pa su ultimo lugar di descanso. Henter un parada a Sali di funeraria, direccion pa e departamento di D.O.W, caminda su colega y hefenan di trabou, tabata sperando su yegada.

Na yegada di Chai na D.O.W. tur e personal cu por tabata presente, a bin pafo y asina condoleer e famia di Chai, kendenan a keda atras cu e dolor inmenso di a perde un ser stima, pero na mes un momento, ta acepta e boluntad di Dios pa tuma Chai den su reino y a libre di su sufrimento.

Director di D.O.W a hiba palabra pa tur esnan presente y a duna un splicasion breve, di e clase di trahado cu Chai tabata y su amor pa su trabou, cu a haci cu ki ora tabata tin mester, por a conta cu Chai. Despues di D.O.W a marcha a sigui su ruta, acompana pa Polis Motoriza y a dirigi nan mes pa cas di e defunto, despues a pasa un rato na pista di Bushiri Karting, caminda Chai tabata un persona hopi activo, specialmente mirando cu su yiu homber ta practica e deporte emocionante aki.

Despues di esey a bay direccion di Misa Santa Anna na Noord, caminda su restonan mortal a keda te cu 4or di atardi, prome cu a hiba Chai pa Santana. Di parti di DIARIO, ta bay palabranan di hopi forza na e momentonan dificil aki pa e famia, amigo y amistadnan di Chai y cu e defunto sosega na paz di senor.

- Advertisement -

DUNA COMENTARIO

Please enter your comment!
Please enter your name here