Home Tempo Horcan José lo por debilita y bira djis un Tormenta Tropical

Horcan José lo por debilita y bira djis un Tormenta Tropical

64
0
SHARE
- Advertisement -

ORANJESTAD (AAN): Algun disturbio den region a percura pa Diaranzon mainta y tambe atardi algun yobida a wordo sinti riba e isla.

Pronostico di tempo pa awe ta mustra cu Diahuebs mainta lo ta parcialmente nubla cu localmente un awacero.  Temperatura maximo lo ta 34º Celsius, y minimo lo ta 28º Celsius.

Biento mes ta debil te modera for di Pariba y Noordoost, como tambe Pariba y Zuidoost, entre 7 y 30 km/h.

Pa awe, humedad y instabilidad den region lo sigui ta suficiente y lo pone cu tin biaha mas nubia lo pasa riba Aruba.  Localmente esaki por produci awacero cu chens pa lamper y strena.

Olanan di lama lo ta for di Noordoost, cu haltura di 3 pia, y localmente te 5 pia.

Horcan José tabata Diaranzon atardi 5:00 pm na 25.3º Nort y 65.6º West.  Esey ta omo 810 km Oost-Noordoost di Bahamas, of 780 km zuid di Bermuda.  E ta moviendo direccion zuid poco-poco cu velocidad di 6 km/h, y bientonan maximo sosteni ta di 120 km/h.

Horcan José ta bay cuminza move direccion west pa noordwest riba Diahuebs anochi laat.

Pero tog segun pronostico, Horcan José lo debilita y bira bek un Tormenta Tropical aki algun dia.

 

- Advertisement -

DUNA COMENTARIO

Please enter your comment!
Please enter your name here