Home Salud IBiSA lo pone atencion riba nos curason diabierna awor

IBiSA lo pone atencion riba nos curason diabierna awor

16
0
SHARE
- Advertisement -

ORANJESTAD(AAN): Dia 29 di September, diabierna awo, ta Dia Mundial di Curason, caminda cu ta pone atencion riba cuido di nos curason. E curason ta un di e organonan mas importante den nos curpa. Sin nos curason, nos no por biba.

E ta hopi importante pa cuida esaki tambe. Tambe pasobra e ta hopi delicado. Segun Charlene Leslie kende ta funcionario di promocion di salud na Ibisa, tin diferente cos den nos estilo di bida cu nos por haci. Esta come saludabel, segun e guia di un bida saludabel, pero tambe actividad fisico.

Durante full e siman aki, Ibisa, como tambe e plataforma di salud lo ta haciendo diferente actividad pa trece e concientisacion aki dilanti.

Reaccion den comunidad:

Hopi biaha ta trece e mesun mensahe dilanti di come saludabel, cu ta encera come vetnan saludabel, evita vetnan menos saludabel, esta e vetnan satura. E vetnan saludabel nos ta haya den pisca, den azetanan vegetal, pero tambe den noot y pinda, preferiblemente sin salo.

Nos fruta y berduranan tambe ta hopi importante pasobra esakinan por proteha nos curason cu nos adernan. Productonan halto den fibra tambe. E productonan integral, volkoren, tambe tin un efecto hopi positivo riba nos salud, pero tambe nos curason. Si nos kies productonan, preferibel mas abao den vet. Si pensa riba lechi of yoghurt, coy e opcionnan sin vet, halfvol of mager. Den yoghurt lo ta uno low fat of no-fat, unda cu e vetnan malo ta mas abao.

Mantencion di un bida saludabel:

Leslie ta splica cu hopi biaha ta scucha cu ta dificil of casi imposibel pa come saludabel, door cu e productonan aki ta un tiki mas caro. En berdad, barata nan no ta, pero e no ta imposibel. Si bo pensa experiencianan pa haci ordo di fruta y berdura, frozen tambe ta un bon opcion.

Hopi biaha e ta un tiki mas barata, pero e diferencia cu e frutanan fresco of berduranan fresco ta cu nan ta laba e fruta y berduranan, por ta cortanan y pone nan den freezer. Bo no ta perde hopi nutriente. Den e fruta y berduranan fresco, tambe tin opcionnan tiki mas barata.

Si pensa riba un troshi di bacoba, ta 3 Florin. Bo pensa riba pampuna, of riba broccoli cu por ta escogencianan un tiki mas barata. E ora bo por varia cu productonan tambe. Imposibel e nota. Pero hopi biaha ta escogencianan cu ta haci y e prioridadnan cu bo ta pone.

Hopi biaha nos no ta pone nos mesun salud na prome luga, mientras cu sin salud, nos no tin nada.

Lo move algun caminda:

Ibisa lo haci diferente actividad. Tin e media tour cu lo bay diferente medio di comunicacion, pero tambe tin un actividad durante fin di siman na Superfood, unda cu tin demostracion di cushina saludabel, hunto cu Leslie mes, kende lo duna algun informacion di come saludabel.

Riba diabierna, 29 d September e bus di salud lo ta na Ling & Sons y diahuebs 28, e lo ta p’ariba di brug. Luga specifico no ta confirma, pero lo divulga esaki manera cu tin e informacion aki.

Banda di esey tambe nan lo ta mandando paketenan pa school cu nan por tin actividad y werkbladen cu e muchanan por haci den klas, cu por trece e concientisacion di cuido di curason, door di come saludabel, haci actividad fisico cerca nos muchanan tambe. Sigur e ta importante pa cuminsa preveni na un edad hoben.

Banda di esey ta haciendo actividad tambe via social media, unda cu ta bay pasa rond di Aruba cu un curason, unda cu lo kier pa tur hende comparti, con nan ta cuida nan curason, pa asina otronan wak con facil e por ta pa haci e actividadnan chikito den bo bida diario, pa percura cu bo curason ta keda saludabel.

- Advertisement -

DUNA COMENTARIO

Please enter your comment!
Please enter your name here