Home Comentario Interesante pa tene cuenta cu estudionan relaciona cu Refineria Esmeraldas na Ecuador

Interesante pa tene cuenta cu estudionan relaciona cu Refineria Esmeraldas na Ecuador

12
0
SHARE
- Advertisement -

Incluyendo investigacion di Union Europeo:

ORANJESTAD (AAN) – Segun un informe di e Universidad di Helva, Spaña, publica recientemente, 29 trahador di e Refineria Esmeraldas na Ecuador, ta sufri di malesanan hopi grave, cu tin di haber cu nan labor.

Tres di nan ta sufri di Leukemia (cancer den sanger) y 26 tin Leucopenia (disminucion di globulonan blanco).

Di e 29 trahadornan aki dos a fayece, segun e informe y 27 ta den tratamento. Pa e trahadornan aki no tabata suficiente dispone di mascara, handschoen, paña special contra contaminacion cu e kimiconan cu ta wordo manipula. Nan no por a evita e malesanan.

Tambe a wordo constata cu personanan cu no ta traha den e refineria pero cu ta biba rond di e industria, ta wordo afecta cu otro tiponan di malesa.

INHALACIONNAN TOXICO:

Reporteronan di e Corant di Ecuador LA HORA, a haci un recorido realiza den e barionan situa na e parti zuid di e ciudad di Esmeraldas, den e vecindario di e planta petrolero, e habitantenan a coincidi cu e holo emana door di e gasnan toxico produci pa e refineria, ta insoportable.

Algun a keha cu tur anochi nan tin cu wanta un toxico molestioso cu ta drenta den nanishi y ta grawata. Tambe nan ta bisa cu e holo aki ta causa dolor di cabes pisa, iritacion di wowo y sacamento, y tin algun hende cu ta haya presion abao.

Den e sectornan cerca di e refineria a registra 505.310 caso di malesanan respiratorio cu ta afecta e poblacion incluyendo esun hoben den edad entre 1 pa 35 aña.

Muchanan chikito te cu nan diez aña ta sufri mas pa griep, infeccionnan di cuero, y mescos cu e adultonan nan no ta exento di malesanan mas serio.

Ademas di e cambionan climatico den e area, e problemanan respiratorio ta wordo atribui tambe na e contaminacion ambiental. Esaki pa motibo cu e gasnan toxico ta haci cu e aire ta condensa mas y ta bira mas pisa. Segun estadisticanan cu a wordo obteni, den Hospital “Delfina Torres de Concha” entre aña 2000 y 2009 ya caba a constata cu e malesanan respiratorio aguso a bay den aumento.

Tur e datonan aki ta coincidi cu estudionan realiza den e Refinerianan Termo Esmeraldas y Codesa, door di Union Europeo na 2004.

E estudio aki a revela cu tin substancianan den aire riba e nivelnan permisible pa e calidad di bida, manera dioxido di nitrogeno, oxido di azufre, y particulanan pisa di PM10 y Nikel.

E contaminantenan aki ta produci lesion den e bronkionan, y por causa bronchitis cronico, malesanan pulmonar obstructivo cronico, cancer di pulmon, casonan grave di asma, y alergia den e poblacion infantil, cu ta esun di mas susceptible pa esaki.

Mirando tur e informenan aki, Petroecuador pa medio di su Gerencia di Seguridad y Medio Ambiente, a desaroya un programa di atencion pa e trahadornan y esnan afecta ta den tratamento, pero esaki no ta soluciona e problema di tur e habitantenan cu no ta traha den e refinerianan pero cu debi na e ubicacion di nan bario, ta wordo afecta tambe.

Te na unda Matutino DIARIO ta na haltura, den e Refineria di Aruba nunca a tuma lugar ningun tipo di estudio cientifico, ni paden di e refineria ni rond di dje, pa loke ta trata e barionan rond di e industria. Awor cu CITGO Aruba ta bay drenta den full operacion na 2019. Pues, e biaha aki tin suficiente tempo prome pa haci un estudio y traha leynan riba su responsabilidad cu nos medio ambiente, su trahadornan, y vecindarionan den su cercania.

 

 

 

 

- Advertisement -

DUNA COMENTARIO

Please enter your comment!
Please enter your name here