Home Evenemento Invitacion na productornan local pa Mercado Santa Rosa

Invitacion na productornan local pa Mercado Santa Rosa

46
0
SHARE
- Advertisement -

ORANJESTAD(AAN)– Despues di algun luna ta preparando pa Mercado Santa Rosa enconeccion cu celebracion di Dia di Alimentacion. Mercado Santa Rosa ta tuma lugar diadomingo 29 di oktober venidero for di 9’or di mainta pa 2’or atardi na Santa Rosa.

Ta hasi un apelacion na  productornan local cu tin cosecha pa e fecha  menciona di e mercado pa tuma contacto cu departamento di Agricultura, Cria y Pesca Santa Rosa pa asina  por tin mas producto fresco den e mercado. Por informa tambe kico ta e producto sea ta fruta of berdura.

E mercado ta ofrece un tent mas dos stul pa asina participantenan  por acomoda nan productonan y den caso cu ta bai uza coriente mester avisa esaki delanta pa asina por tin un control debido riba kendenan mester di coriente.

Tene bon cuenta tambe cu e mercado ta solamente pa productonan local cu ta na prome lugar fruta y berdura fresco, cuminda crioyo sigur no por falta den e mercado. Tene bon cuenta cu esnan cu ta ofrece cuminda mester tin nan “Caarchi Berde” di Volksgezondheid pa por wordo permiti pa benta di cuminda den e mercado.

Debi cu ta  celebra Dia di Alimentacion hunto cu Mercado Santa Rosa lo bai tin un competencia di un plato crioyo. E plato aki ta e participante mes lo dicidi cua lo ta e plato cu e lo ta desea di peti cune. Lo bai tin Chefnan presente pa purba e plato di cada participante pa finalmente saca un ganado.

Nos artesanonan ta mas cu bonbini pa participa den e mercado manera semper pa asina ofrece nan obra na e publico. Pa esnan cu ta traha liquornan local manera rom, biña tambe of otro bebidanan produci na Aruba ta bonbini.

Pa esnan cu ta bin ofrece carni fresco corda cu esaki mester wordo haci via di e canalnan oficial cu ta Servicio di Veterinario conoci como Abattoir. E bestia mester wordo mata y e mester tin e stempel di gobierno riba e carni. Na momento di participa den e mercado bo carni nan mester wordo bon paketa y poni den un freezer na un temperatura adecuado.

Tene bon cuente cu tur e rekisitonan aki pa asina bo por participa den e mercado diadomingo 29 di  di oktober.

Si pa e fecha aki bo tin cosecha no lubida di tuma contacto cu Santa Rosa  na tel: 585-8102 pa asina  por tin mas producto local y fresco den e mercado pa ofrece na e publico bishitante. Por puntra pa sra. Diana Kock of srta. Jennifer Gamez pa asina registra bo participacion den e mercado.

- Advertisement -

DUNA COMENTARIO

Please enter your comment!
Please enter your name here