Home Tempo Irma a kibra record como e Horcan mas fuerte den historia

Irma a kibra record como e Horcan mas fuerte den historia

1924
0
SHARE
— Imagen di satelite di Diamars mainta mustrando e intensidad di Irma rumbo pa e islanan.
- Advertisement -

ORANJESTAD (AAN): El a kibra varios record caba!  Horcan Irma a nace for di un Tormenta Tropical y bira Horcan, den menos di 12 ora!  Esey tabata un record.  El a kibra record tambe di a nace como un Horcan pariba di 35º Longitud.

Riba Diamars, Horcan Irma a intensifica y a bira un tormenta extremadamente peligroso di nivel halto di Categoria 5, cu bientonan top sosteni di 289 km/h riba Diamars mainta.

El a ubica su mes den e horcannan mas fuerte riba Oceano Atlantico cu a wordo observa.  Bientonan di Irma ta esnan mas poderoso cu a yega di wordo midi den un horcan.  Midimento di e avion Hurricane Hunter a haya rafaga di biento di 289 km/h, cu ta mas cu e 252 km/h cu ta e comienzo di Categoria 5.

— Radar di e Horcan capta pa e avion Hurricane Hunter.

Pa 11:07 am, un dropsonde den wowo di Irma a midi un presion central di 927 millibar, cu ta 4 millibar mas abao cu e previo midimanto, y esey ta nifica cu Irma ta sigui hayando mas forza.

Irma lo bay castiga cu golpi duro e Islanan Ariba riba Diamars anochi y Diaranzon madruga.  Pesey mes, Hurricane Warnings ta en efecto pa islanan mas panort di Leeward Islands, tambe US Virgin Islands, British Virgin Islands, y Puerto Rico.

Tambe tin alerto emiti na Florida, Cuba, y Bahamas, pasobra no tin seguridad ainda unda Irma lo ta bayendo e siguiente 5 dianan.

Imagennan di Satelite riba Diamars mainta a mustra cu Irma ta un horcan espectacular cu un wowo grandi, rondona pa un muraya extremadamente intenso, yen di tormenta electrico cu nubianan hopi halto mes, indicando cu nan ta extende te na nivelnan mas halto di atmosfera.

Tin poco windshear, pues esey ta indica cu condicionnan ta favorable pa reforza su mes, yuda pa e temperatura cayente di lama (29.5º C), y e contenido total di calor den Oceano, cu ta 60 kilojoules per centimeter cuadra, dunando tormenta aun mas energia.

Diamars merdia 2:00 pm, Horcan Irma tabata ubica na 16.9º Nort y 59.1º West.  Esey ta como 290 km pariba di Antigua.  Bientonan maximo sosteni ta di 295 km/h  E ta moviendo direccion West cu 22 km/h.

- Advertisement -

DUNA COMENTARIO

Please enter your comment!
Please enter your name here