Home Tempo Irma ya caba a bira un Horcan y ta intensificando

Irma ya caba a bira un Horcan y ta intensificando

302
0
SHARE
- Advertisement -

ORANJESTAD (AAN): Manera cu DIARIO a anuncia caba den edicion di Diahuebs, “Tormenta Tropical Irma” a nace Diaranzon riba Oceano Atlantico.

Pero ya Diahuebs el a intensifica y a bira un Horcan.  Mas di esaki ta inclui awe den informacion di Tempo.

Pa awe Diabierna, tempo na Aruba lo ta parcialmente nubla, cu localmente un awacero breve.

Temperatura maximo 34 grado celsius y temperatura minimo 28 grado celsius.

Biento ta modera te basta fuerte for di direccionan entre oost y oost- zuidoost entre 20 te 39 km/h.  Durante di dia fuerte te posiblemente duro den rafaga entre 40 te 61 km/h.

Pa awe, humedad y instabilidad den atmosfera regional lo produci temporalmente mas nubia den region local. Principalmente den oranan di marduga y mainta esaki por produci localmente algu di awacero riba isla di Aruba.

Olanan di lama lo ta for di direccion oost cu haltura di 4 te localmente 6 pia na costa nort te noordwest.

Temperatura di superficie di lama: 28 grado celsius.

Tormenta Harvey a caba na nada riba tera.  El a djis debilita y bira un Depresion Tropical cerca di Monroe, Louisiana. Sinembargo, keto bay e sobranan di e sistema ta causando awacero cu inundacion. E sistema aki lo no worde nombra mas den Boletin di tempo.

Pero Irma a intensifica rapidamente y awor ta un horcan impresionante.  Irma tabata situa Diahuebs atardi 5:00 pm na 17.3ºN y 34.8ºW.  Esaki ta como 1.200 km west di Islanan Cabo Berde moviendo west y te ainda ta solamente un molester pa navegacion maritimo.

Pero tog ta pensando cu aki dos dia, e lo cuminza tuma un rumbo mas bien West Zuidwest, y esaki lo por pone tog yega pa Diamars otro siman cerca di Islanan Ariba.

E tin un wowo intenso den centro, y calculonan haci via imagen di satelite ta sigui aumenta rapidamente.  E ta riba awa basta frieu ainda, pero despues di fin di siman e lo ta den awanan mas cayente, y esaki lo pone intensifica aun mas.

Pronostico di tempo pa proximo fin di siman na Aruba, ta mustra cu tempo ta parcialmente nubla cu localmente un awacero.  Biento lo ta for di direccion generalmente oost i modera te basta fuerte, den dia de bes en cuando fuerte te posiblemente duro den rafaga.

- Advertisement -

DUNA COMENTARIO

Please enter your comment!
Please enter your name here