Home Social Keto bay Briyo di Solo mester di ayudo

Keto bay Briyo di Solo mester di ayudo

60
0
SHARE
- Advertisement -

Despues di candela

ORANJESTAD(AAN): Algun tempo atras tabata tin un candela na Briyo di Solo y door di esaki e clientenan di e lugar tin un problema, esta cu hopi di nan den e temponan aki no por bay pasa dia manera semper nan tabata hasi.

Durante un conferencia di prensa, tesorero di Stichting Verstandelijk Gehandicapten Aruba (SVGA) Reint Schutter a trece dilanti cu tabata un shock grandi pa nan tur ora cu tabata tin un candela na Briyo di Solo riba 17 di Augustus.

El a indica cu e consecuencianan ta pisa, mirando cu nan no por atende cu nan clientenan debidamente, cu ta pone cu nan ta keda cas, tanten cu tur cos no ta full organiza bek.

“Ta hopi iritante tambe pa e empleadonan, cu durante añanan largo ta custumbra di hasi nan trabao akinan”.

“Nos ta hopi agradece cu e trahadornan a pone man na obra y a yuda ruim op e lugar y hasi limpi”, segun Schutter, kende a indica cu e intencion ta pa limita e daño mas posibel.

E tesorero a splica cu ta hopi fastioso pa riba termino cortico prepara tur cos bon bek y tambe ta dificil pa haya un espacio pa trece e clientenan pa atende cu nan.

“E hecho cu awor mayoria di e clientenan ta nan cas no ta solamente fastioso pa nan, sino tambe pa nan famia y esnan cu tin cu cuida nan, pasobra nan no a conta riba esaki”.

Esaki segun Schutter, kende a bisa tambe cu SVGA ta bon sigura, pero e compania di seguro ta paga solamente pa e daño, pero nan no ta paga pa e balor original di e articulonan cu a wordo destrui.

Tabata tin varios mueble por ehempel cu tabata wordo uza bon, pero door cu nan tabata basta bieu, e stichting no a wordo paga pa e balor nobo di e artefacto.

Banda di esaki SVGA su caha financiero ta un tiki crap caba, pues e candela a causa awor extra problema.

Pesey e stichting ta en busca di ayudo financiero entre otro.

 

 

- Advertisement -

DUNA COMENTARIO

Please enter your comment!
Please enter your name here