Home Comentario Libertad di expresion y periodismo serio y veraz tambe ta un arma...

Libertad di expresion y periodismo serio y veraz tambe ta un arma pa combati corupcion

11
0
SHARE
- Advertisement -

Corupcion: un fenomeno universal

ORANJESTAD (AAN) – E politico, columnista y conferencista internacional Lic. Fernando Berrocal, a publica un articulo hopi interesante, tocante e tema “Corupcion”.

“Corupcion” ta un termino cu tambe na Aruba nos ta scucha den tur skina y vooral awor den tempo di campaña politico, como un issue entre e mesun politiconan cu lo participa den e contienda.

Lic. Berrocal ta splica cu corupcion ta hopi cos, pero e ta destaca kico e ta nifica funcionalmente den un Estado di Derecho.

“E delito di corupcion, den su multiple faceta ta materializa su mes ora e interesnan priva ta cruza, superpone y violenta na un manera activo y ilegal riba e interesnan publico, generando un ganashi economico of un beneficio no legal di naturaleza impropio y ilegitimo. Etica ta un otro asunto”.

E politico ta sigui bisa cu e mezcla of superposicion ilegal aki entre locual ta priva y locual ta publico, of entre loke ta publico y loke ta priva, ta genera (door di violacion di e legalidad) e delitonan di corupcion. “E frontera aki no por wordo traspasa nunca, ni for di locual ta priva ni for di locual ta publico, sin incuri den algun delito di corupcion”, Berrocal ta indica.

E ta señala cu e ambito y escala di e delitonan aki ta bay for di accionnan menor vinculo na e tramitologia cu ta agobia un pais cu ta urgi di mas libertad economico y menos burocracia estatal, te cu hechonan grandi di corupcion y escandalonan cu sumanan miyonario di placa envolvi.

(Aki nos por mira cu, aparentemente, Aruba no ta scapa ya cu tin un situacion andando e ultimo lunanan aki di locual prensa tambe a tuma nota y divulga).

Corupcion, Berrocal ta indica, ta un fenomeno universal y no specifico di un grupo, un pais of un cultura. Tin corupcion den America Latina, Caribe, Europa, Merca, paisnan Anglosajon, Nordico, Asiatico y Africano.

E no tin di haber cu cu e nivel di desaroyo pasobra e ta sosode den paisnan pober y rico, den sistemanan democratico y autoritario, e no ta un fenomeno social, economico y legal tampoco di un sistema politico determina.

“E tin di haber, esencialmente, cu e condicion humano, for di e principio di e siglonan. Ni sikiera e institucionnan religioso, den cualnan etica y moral ta fundamental, a scapa di escandalonan grandi y grave di corupcion. E corupcion y su antonimo cu ta impunidad, mester wordo confronta tur dia y expone nan caso pa caso; asumiendo e presuncion di inocencia y e proceso deibi como un balor superior den un Estado di Derecho” Berrocal ta expresa.

E ta acentua cu e contrario na esaki por duna bida na inhusticianan terible y atakenan publico censurable. Aki no tin espacio pa generalizacion, redo, persecucion politico sino hechonan y realidadnan. Esaki ta e punto di fondo.

Con por combati corupcion?

“Cu hopi educacion civico” Berrocal ta apunta. Cu balornan etico, siña y transmiti den famia, for di scol y durante e transcurso di bida. Cu leynan fuerte pero realista y eficaz, sistemanan di contraloria administrativo fuerte y tecnologia den linea, unificacion di compra y licitacion publico. Un poder hudicial y un Hudicatura independiente y respeta, y riba tur cos, cu bon Huez y Fiscalnan y Organizacionnan Policial investigativo no politiza, capaz y dedica. Pero principalmente e corupcion ta wordo combati cu libertad di prensa y periodismo serio, veraz y obhetivo den investigacion.

 

 

- Advertisement -

DUNA COMENTARIO

Please enter your comment!
Please enter your name here